আজি পুৱাৰে পৰা পঞ্চায়ত নিৰ্বাচনৰ ভোটগণনা অনুষ্ঠিত হৈছে৷ বিটিআৰ, ডিমা হাচাও স্বায়ত্ব শাসিত আৰু কাৰ্বি স্বায়ত্ব শাসিত এলেকাত বাহিৰে বাকী সকলো ঠাইতে অনুষ্ঠিত পঞাচত নিৰ্বাচনৰ ভোট গণনা পুৱাৰে পৰা অনুষ্ঠিত হয়৷ পঞ্চায়ত নিৰ্বাচনত ফলাফল অনুসৰি বিজেপিৰ ‘মেজিক’ চলে৷ বিৰোধীৰ অৱস্থা তথৈবচ দেখা যায়৷ কংগ্ৰেছৰ অৱস্থা অত্যাধিক বেয়া দেখা গৈছে৷ সংখ্যালঘূ এলেকাতে কংগ্ৰেছে ভাল ফলাফল কৰিব পৰা নাই৷ আনহাতে ৰাইজৰ দল আৰু অসম জাতীয় পৰিষদে খুব বেছি ভাল ফলাফল কৰিব পৰা নাই৷ ফলাফল অনুসৰি জিলা পৰিষদৰ মুঠ আসন হৈছে ৩৯৭ খন৷ জিলা পৰিষদত ১৭০ খনত বিজেপিয়ে লাভ কৰিছে৷ কংগ্ৰেছে লাভ কৰিছে ১৫ খন৷ আঞ্চলিক পঞ্চায়তৰ সদস্যৰ সংখ্যা হৈছে ২১৯২৷ ইয়াৰে বিজেপি-অগপৰ মিত্ৰজোঁটে ৬০০ খন, কংগ্ৰেছে ৬২, ৰাইজৰ দল ৫, অজাপ ৫ আৰু অন্যানই ৩০ খন আসনত আগবাঢ়ি আছে৷