শ্ৰীভূমিত বাছৰ ভিতৰত মহিলাৰ সৈতে অপকৰ্ম সংঘটিত কৰিব খোজাৰ গুৰুতৰ অভিযোগৰ পিছতে উত্তেজনা অব্যাহত আছে৷ ০১ এপ্ৰিলৰ সন্ধিয়া বদৰপুৰৰ পৰা শ্ৰীভুমিলৈ বাছত গৈ থকা অৱস্থাত এই ঘটনা সংঘটিত হয়। গাড়ীৰ চালক আৰু দুজন যাত্ৰীয়ে চলন্ত বাছৰ দৰ্জা বন্ধ কৰি যুৱতীগৰাকীৰ সৈতে অপকৰ্ম কৰিব খোজাৰ অভিযোগ উত্থাপন হোৱাত নিশা কেইবাটাও হিন্দুত্ববাদী সংগঠনে তীব্ৰ প্ৰতিবাদ সাব্যস্ত কৰিছিল৷ অভিযুক্তক গ্ৰেপ্তাৰৰ দাবী উত্তাপন কৰি উত্তপ্ত পৰিস্থিতিৰ সৃষ্টি কৰিছিল৷ জানিব পৰা মতে, বদৰপুৰৰ পৰা শ্ৰীভুমিলৈ বাছত গৈ আছিল যুৱতীগৰাকী৷ তেনে সময়তে বাছৰ চালক আৰু দুই যাত্ৰীয়ে চলন্ত অৱস্থাতে দুৱাৰ বন্ধ কৰি যৌন আতিশয্যা চলোৱাৰ প্ৰয়াস চলোৱৰ প্ৰয়াস কৰে৷ কিন্তু অপকৰ্ম সংঘটিত কৰাত বিফল হৈ গাড়ীৰ পৰা যুৱতীক পথৰ দাঁতিত পেলাই পলায়ন কৰে বাছৰ চালক আৰু যাত্ৰী৷ কথমপি ৰক্ষা পৰা যুৱতীগৰাকীক হাস্পতালত ভৰ্তি কৰা হৈছে। শ্ৰীভূমি চিভিল হাস্পতালত চিকিৎসাধীন হৈছে৷ নিশা শ্ৰীভূমি চহৰত পথ অৱৰোধ কৰি হিন্দুৰক্ষী দলে পৰিস্থিতি উত্তাল কৰে। আৰক্ষী আৰু চিআৰপিফৰ মোতায়েন কৰি পৰিস্থিতি নিয়ন্ত্ৰণ কৰা হয়৷ আৰক্ষী অধীক্ষক পাৰ্থ প্ৰতীম দাসে দোষীক গ্ৰেপ্তাৰৰ আশ্বাস দিয়াত পথ অৱৰোধ প্ৰত্যাহাৰ কৰে। ইতিমধ্যে আৰক্ষীয়ে অসম ৰাজ্যিক পৰিবহণ নিগমৰ অধীনত চলা বাছখন জব্দ কৰাৰ লগতে দুজনক আটক কৰিবলৈ সক্ষম হৈছে। চিচিটিভি ফুটেজ আৰু কাৰিকৰী অনুসন্ধানৰ বিশ্লেষণৰ পিছত গ্ৰেপ্তাৰ কৰা হৈছিল। গ্ৰেপ্তাৰ কৰা লোকসকলক পঞ্চগ্ৰামৰ বাসিন্দা জছিম উদ্দিন লস্কৰ আৰু শিলচৰৰ বাসিন্দা আবুল ছালাম বুলি চিনাক্ত কৰা হৈছে।