Brahmaputra Times
স্বাধীনতা দিৱস উপলক্ষ্যে অসমৰ ১৪ গৰাকী আৰক্ষী বিষয়া-জোৱানক প্ৰদান কৰা হৈছে বিশিষ্ট সেৱা পদক। ডি আই জি ৰত্না সিঙলৈ আগবঢ়োৱা হৈছে ৰাষ্ট্ৰপতি বিশিষ্ট সেৱা পদক। লগতে, অসমৰ ১৩ গৰাকীলৈ উৎকৃষ্ট সেৱা পদক আগবঢ়োৱা হৈছে।
ডি আই জি বিজয় গিৰি কুলিগ্ৰামলৈ আগবঢ়োৱা হৈছে উৎকৃষ্ট সেৱা পদক। একেদৰে, আৰক্ষী অধীক্ষক মিহিৰ জিৎ গায়ন, আৰক্ষী অধীক্ষক ৰঞ্জন ভূঞা, আৰক্ষী অধীক্ষক সিংহৰাম মিলিলৈ উৎকৃষ্ট সেৱা পদক আগবঢ়োৱা হৈছে।
তদুপৰি পৰিদৰ্শক মনোজ কুমাৰ সিঙলৈ উৎকৃষ্ট সেৱা পদক আগবঢ়োৱাৰ লগতে এই পদক আগবঢ়োৱা হৈছে উপ-পৰিদৰ্শক ত্ৰৈলোক্য শৰ্মা আৰু বিপুল শইকীয়ালৈও। নায়ক বিজু লহকৰ, প্ৰফুল্ল ডেকা, শৈলেন কাকতি, কান্ত সিংহ, ইনামূল হককো উৎকৃষ্ট সেৱা পদক আগবঢ়োৱা হৈছে। একেদৰে, সহ উপ-পৰিদৰ্শক কামিনী ডেকালৈও আগবঢ়োৱা হৈছে এই সন্মান।
