২০০৮ চনত তেতিয়াৰ চৰকাৰে আৰক্ষী পৰিদৰ্শক নিযুক্তি দিছিল৷ নিযুক্তি লাভ কৰিছিল ১১৫ জন বিষয়াই৷ ইয়াৰে ১৯গৰাকী বঞ্চিত প্ৰাৰ্থীয়ে চাকৰিৰ পৰা বঞ্চিত হৈছিল৷ অযোগ্য আৰু বক্ৰ পথেৰে ১৯ জন অযোগ্যক চাকৰি দিয়াৰ অভিযোগ আনিছিল বঞ্চিত ১৯ প্ৰাৰ্থীয়ে৷ বঞ্চিতসকলে ন্যায়ালয়ত লেখ আবেদন দাখিল কৰি ন্যায় দাবী কৰিছিল৷ অবৈধভাৱে চাকৰি লাভৰ অভিযোগ থকা ১৯গৰাকী আৰক্ষী পৰিদৰ্শক এতিয়া বিপদত পৰিছে৷ উচ্চতম ন্যায়ালয়ত লেখ আবেদন দাখিল কৰি ১৯ প্ৰাৰ্থীৰ হকে সিদ্ধান্ত লৈছে ৰাজ্য চৰকাৰে গঠন কৰা সমিতিয়ে৷ ২০১৪ চনত পুনৰ তালিকা প্ৰস্তুতৰ নিৰ্দেশ দিছিল আদালতে৷ ২০১৭ চনত চৰকাৰে গঠন কৰিছিল এখন বিশেষ সমিতি৷ এই সমিতিয়ে বাছি উলিয়াইছিল মুঠ ১৯গৰাকী অযোগ্য প্ৰাৰ্থী৷ ইয়াৰে ২গৰাকীক ইতিমধ্যে চাকৰিৰ পৰা বিদায় দিয়া হৈছে৷ আনহাতে বিশেষ সমিতিয়ে ১৭গৰাকীকো চাকৰিৰ পৰা অব্যাহতৰ নিৰ্দেশ দি অসম আৰক্ষীৰ উলুবাৰীস্থিতি কাৰ্যালয়ৰ দ্বাৰা গৃহ বিভাগলৈ পত্ৰ প্ৰেৰণ কৰিছে৷ এতিয়ালৈ চৰকাৰে ব্যৱস্থা লোৱা নাই যদিও শীঘ্ৰে চৰকাৰে ব্যৱস্থা গ্ৰহণ কৰিব বুলি জানিব পৰা গৈছে৷ আৰক্ষী পৰিদৰ্শকসকল হৈছে চাহিদুৰ ৰহমান, ভাস্কৰ বৰ্মন, বদ্ৰীপ্ৰসাদ বাৰুৱতী, হেমেন শৰ্মা, ফাৰুক আহমেদ, অমৰ ঘোষ, নৱজিৎ তালুকদাৰ, কামাখ্যা মিশ্ৰ, আমিনুল ইছলাম, শশধৰ কলিতা, চৰিফুল ৰহমান, উদ্দীপ্ত কলিতা, নীলিমা বড়ো, ভনীতা দাস, ৰিংকুমণি কলিতা, টুইংকল গোস্বামী৷ ইতিমধ্যে অঞ্জন চৌধুৰী আৰু দিপাংকৰ শইকীয়াক চাকিৰ পৰা অব্যাহত দিয়া হৈছে৷ অচিৰেই চাকৰি হেৰুৱাবলগীয়া এই ১৭ জন আৰক্ষী পৰিদৰ্শকে অবৈধভাৱে নিৰ্বাচিত হৈছিল৷ ফলত যোগ্যসকল বঞ্চিত হৈছিল যদিও আদালতে দিয়া নিৰ্দেশৰ ফলত ন্যায় লাভ কৰিব৷