মুখ্যমন্ত্ৰী হিমন্ত বিশ্ব শৰ্মাই সামাজিক মাধ্যমযোগে প্ৰকাশ কৰা মতে, গুৱাহাটীত দেশৰ ৫ ইউটিউবাৰৰ ইউটিউবাৰ আশীষ চাঞ্চলানি, জছপ্ৰীত সিং, অপূৰ্ব মাখিজা, ৰণবীৰ আল্লাবাদিয়া, সময় ৰাইনা আদিৰ বিৰুদ্ধে গোচৰ ৰুজু কৰিছে অসম আৰক্ষীৰ অপৰধা শাখাই৷ অত্যাধিক যৌনগন্ধী কথা-বাৰ্তা আৰু নাৰী সমাজৰ শালীনতা হানি হোৱা কণ্টেণ্টেৰে ষ্টেণ্ড আপ কমেডি কৰি বিতৰ্কিত সোমাই পৰা সময় ৰাইনাৰ শ্ব’ ‘ইণ্ডিয়াছ গট লেটেণ্ট’ৰ শেহতীয়া খণ্ডৰ বিৰুদ্ধে দেশজুৰি তীব্ৰ প্ৰতিক্ৰিয়াৰ সৃষ্টি হোৱাত মুখ্যমন্ত্ৰীয়ে গোচৰৰ তদন্তৰ নিৰ্দেশ দিয়ে৷ গুৱাহাটীৰ নয়নপুৰৰ আলোক বৰুৱা নামৰ এজন লোকৰ এজাহাৰৰ ভিত্তিত ৰুজু হয় গোচৰ৷ মাতৃ সমাজ, নাৰীৰ যৌনাংগক বিকৃত ৰূপত কৌতুক কৰিছিল শেহতীয়া খণ্ডটোত৷ সকলো সীমা অতিক্ৰম কৰি যৌনতাক কণ্টেণ্টে কৰাত খণ্ডটো প্ৰচাৰ হোৱাৰ পিছতে মহাৰাষ্ট্ৰ চৰকাৰে গোচৰ ৰুজু কৰাৰ লগতে দেশৰ ৰাষ্ট্ৰীয় মহিলা আয়োগে গুৰুত্বসহকাৰে লয়৷ তাৰ মাজতে আজি অসমত গোচৰ ৰুজু কৰা হৈছে৷ দেশৰ ৫ ইউটিবাৰৰ বিৰুদ্ধে গুৱাহাটী ক্ৰাইম বান্সত এজাহাৰ দাখিল হোৱা এজাহাৰৰ ভিত্তি গোচৰ ৰুজু কৰা হৈছে৷ সামাজিক মাধ্যমত বিশেষ পোষ্ট দি মুখ্যমন্ত্ৰী হিমন্ত বিশ্ব শৰ্মাই কয় যে ‘ইণ্ডিয়াজ গট লেটেণ্ট’ নামৰ এটা অনুষ্ঠানত অশ্লীলতাৰ প্ৰচাৰৰ বাবে তেওঁলোকৰ সকলোৰে বিৰুদ্ধে গোচৰ ৰুজু কৰা হৈছে৷ ইণ্ডিয়াছ গট লেটেণ্টত অশ্লীল মন্তব্য কৰাৰ বাবে সময় ৰাইনা আৰু ৰণবীৰ আল্লাহবাদিয়াৰ বিৰুদ্ধে ইতিমধ্যে মুম্বাইত এজাহাৰ দাখিল কৰা হৈছে৷ অসমত আশীষ চাঞ্চলানি, জশপ্ৰীত সিং, অপূৰ্ব মাখিজাৰ বিৰুদ্ধেও দাখিল কৰা হৈছে এজাহাৰ৷ গোচৰ ৰুজু কৰি তদন্ত আৰম্ভ কৰিছে গুৱাহাটী অপৰাধ শাখাই। এই ক্ষেত্ৰত আজি পুৱাই ৰণবীৰ আল্লাবাদিয়াই ক্ষমা বিচাৰিছে। সামাজিক মাধ্যমত কৈছিল যে মোৰ মন্তব্য সঠিক নাছিল আৰু ধেমেলীয়াও নাছিল।