Brahmaputra Times
নলবাৰী কাণ্ডক লৈ আজি মুখ খুলিছে ৰাজ্যিক বিজেপিৰ সভাপতি দিলীপ শইকীয়াই৷ আজি সংবাদমাধ্যমৰ মুখামুখি হৈ প্ৰতিক্ৰিয়া ব্যক্ত কৰি সকলোৱে দলীয় অনুশাসন মানি চলিব লাগিব বুলি স্পষ্ট কৰে৷ পাকে-প্ৰকাৰে শইকীয়াই স্পষ্টকৈ কয় যে এতিয়াৰ পৰা বিজেপিত কংগ্ৰেছৰ পৰা অহা ন-বিজেপিৰ উদণ্ড সংস্কৃতি নচলিব৷ কংগ্ৰেছৰ পৰা অহা নতুন নেতাৰ দাদাগিৰিৰ সংস্কৃতি বিজেপিত নচলিব। নলবাৰীৰ ঘটনা সন্দৰ্ভত দিলীপ শইকীয়াই প্ৰতিক্ৰিয়া ব্যক্ত কৰি দলত অনুশাসনহীনতা ভংগ কৰিলে নেতা-কৰ্মী, মন্ত্রী-বিধায়ক কোনো সাৰি নাযাব বুলি স্পষ্ট কৰে৷ দলত শৃংখলাবদ্ধতা, নিয়ম-সংস্কাৰ আৰু অনুশাসন সকলোৱে মানি চলিব লাগিব বুলিও স্পষ্ট কৰে দিলীপ শইকীয়াই। দিলীপ শইকীয়াই আজি কয় যে দলীয় অনুশাসন সকলোৱে মানি চলিব লাগিব৷ বিজেপিত মন্ত্ৰী বেলেগ, বিধায়ক বেলেগ, দিলীপ শইকীয়া বেলেগ – এনেকুৱা কথা হ’ব নোৱাৰে৷ বথ সভাপতিৰ পৰা ৰাষ্ট্ৰীয় সভাপতিলৈ সকলোৰে বাবে দলীয় অনুশাসন একেই৷ লগতে শইকীয়াই কয় যে আমাৰ দলৰ অনুশাসন আছে, সংস্কাৰ আছে৷ মুখ্যমন্ত্ৰীয়ে হওক বা যি নেতাই নহওক সেই পৰম্পৰাটো মানি চলিব লাগিব৷
