পুনৰ খিতাপ দখলৰ স্বপ্ন ভংগ হ’ল টেনিছ তাৰকা আলেকজেণ্ডাৰ ঝভেৰেভৰ। বিশ্বৰ শীৰ্ষ টেনিছ তাৰকা জনিক চিনাৰৰ দুৰ্দান্ত প্ৰদৰ্শনত পৰাজয় স্বীকাৰ কৰে ঝভেৰেভে। শনিবাৰে অষ্ট্ৰেলিয়ান অ’পেনৰ পুৰুষৰ ছিংগলছত ঝভেৰেভক ৬-৩, ৭-৬(৪), ৬-৩ স্ক’ৰত ষ্ট্ৰেইট ছেটত পৰাস্ত কৰি একেৰাহে দ্বিতীয়বাৰৰ খিতাপ দখল কৰে জনিক চিনাৰে। উল্লেখ্য যে, এয়া হৈছে তেওঁৰ কেৰিয়াৰৰ তৃতীয়টো গ্ৰেণ্ড শ্লেম জয়। মেচ আৰম্ভ হোৱাৰ পৰাই চিনাৰে অতি উত্তম ফৰ্ম দেখুৱায়। খেলৰ মাজত ঝভেৰেভে প্ৰত্যাৱৰ্তন ঘটাই যদিও শেষত ইটালীৰ তাৰকাগৰাকীয়ে একেৰাহে তিনিখন খেলত জয়লাভ কৰি প্ৰথম ছেটটো ৬-৩ স্ক’ৰত দখল কৰে। উল্লেখ্য যে, ছেমিফাইনেলত ন’ভাক জ’কভিচৰ আঘাতৰ বাবে ৱাক অভাৰ লাভ কৰি ঝভেৰেভে ফাইনেলত প্ৰৱেশ কৰিবলৈ সক্ষম হৈছিল। অৱশ্যে ফাইনেলত চিনাৰৰ উৎকৃষ্ট ফৰ্মৰ সন্মুখত ধৰাশায়ী হয় ঝভেৰেভ। ইফালে, তিনিখন গ্ৰেণ্ড শ্লেম ফাইনেলত প্ৰৱেশ কৰাৰ পিছতো ঝভেৰেভে এতিয়াও পূৰ্ণ কৰিব পৰা নাই খিতাপ জয়ৰ সপোন। ইয়াৰ বিপৰীতে, পুনৰ এবাৰ গ্ৰেণ্ড শ্লেম দখল কৰি নিজৰ শ্ৰেষ্ঠত্ব প্ৰদৰ্শন কৰে চিনাৰে। ইটালীৰ তাৰকাগৰাকীয়ে একেৰাহে দ্বিতীয়বাৰৰ বাবে অষ্ট্ৰেলিয়ান অ’পেনৰ খিতাপ লাভ কৰি পুনৰবাৰ নিজৰ আধিপত্য প্ৰতিষ্ঠা কৰে।