আজি গুৱাহাটীত এখন সংবাদমেল সম্বোধন কৰি কোঁচ-ৰাজবংশীৰ সংগঠনসমূহে ২১ জানুৱাৰীত আহ্বান জনোৱা অসম বন্ধ প্ৰত্যাহাৰৰ আহ্বান জনািছে মন্ত্ৰী পীয়ুষ হাজৰিকাই। সন্মিলিত কোঁচ-ৰাজবংশীৰ প্ৰতিনিধিৰে মন্ত্ৰীগৰাকীৰ বৈঠকৰ অন্তত মন্ত্ৰীগৰাকীয়ে সংবাদমেল সম্বোধন কৰা বুলি উল্লেখ কৰি বন্ধৰ কাৰ্যসূচী বাতিল কৰিবলৈ আহ্বান জনায়৷ মন্ত্ৰীগৰাকীয়ে কয় যে অসম বন্ধৰ পৰিৱৰ্তে অন্য গণতান্ত্ৰিক আন্দোলন কৰাত বাধা নাই, কিন্তু আন্দোলনৰ নামত বন্ধ দিব নালাগে৷ মন্ত্ৰীগৰাকীয়ে কয় যে সদৌ কোঁচ-ৰাজবংশী ছাত্র সন্থাৰ নেতৃত্বত সন্মিলিত মঞ্চই ২১ জানুৱাৰীত অসম বন্ধ ঘোষণা কৰিছে। চৰকাৰৰ তৰফৰ পৰা আহ্বান জনাইছো যে বন্ধটো উঠাই লৈ চৰকাৰৰ লগত আলোচনাত বহক। শনিবাৰে সংগঠনসমূহৰ উচ্চস্তৰীয় প্ৰতিনিধিৰৰ সৈতে দীঘলীয়া বৈঠক অনুষ্ঠিত হৈছিল। বৈঠকত দাবীসমূহ উত্থাপন কৰিছে। চাৰিটা দাবীৰ বাবে বন্ধ ঘোষণা কৰাৰ কথা উল্লেখ কৰি হাজৰিকাই কয় যে গণতান্ত্ৰিকভাৱে আন্দোলনত চৰকাৰৰ বাধা নাথাকে। কিন্তু আন্দোলনৰ নামত বন্ধ দিব নালাগে। বন্ধ দিলে অসমৰ অৰ্থনীতিত তথা সমাজ জীৱনত বিৰূপ প্ৰভাৱ পৰে। অসম বন্ধ নিদিবলৈ অনুৰোধ জনাইছো।