নগাঁও আৰু মৰিগাঁও জিলাৰ ১৯ শ্ৰমিকক চুবুৰীয়া ৰাজ্য অৰুণাচলত বন্দী কৰাৰ গুৰুতৰ অভিযোগ উত্থাপন কৰিছে কেইবাটাও পৰিয়ালে৷ কচুৱা আৰু মৰিগাঁৱৰ ১৯ শ্ৰমিকক বন্দী কৰাৰ গুৰুতৰ অভিযোগ আনিছে শ্ৰমিকসকলৰ পৰিয়ালে৷ পৰিয়াল আৰক্ষীৰ ওচৰত দাখিল কৰা অভিযোগ মতে, প্ৰায় দুমাহ পূৰ্বে ঠিকাদাৰী প্ৰতিষ্ঠানে তেওঁলোকক কাম কৰিবলৈ অৰুণাচলৰ দিবাং ভেলীলৈ নিছিল৷ তাত দীৰ্ঘদিন ধৰি ঠিকাদাৰী প্ৰতিষ্ঠানত কাম কৰে৷ কাম কৰাৰ পাছতো আগধন হিচাপে দিয়া ৮ লাখ টকা নিদিলে আহিব নিদিয়াৰ ধমক দিছে ঠিকাদাৰে৷ এই খবৰ লাভ কৰি হাহাকাৰ কৰি সময় অতিবাহিত কৰিছে পৰিয়ালে। কাম কৰাৰ অন্তত ঘৰলৈ আহিব নিদি শ্ৰমিকক বন্দী কৰাৰ অভিযোগ আনে পৰিয়ালে৷ পৰিয়ালৰ মতে, দুমাহ পূৰ্বে কচুৱাৰ পমিলা, চিতলমাৰী, তামোলবাৰী আৰু মৰিগাঁৱৰ পৰা শ্ৰমিক কেইজনে পকী পথ নিৰ্মাণৰ বাবে গৈছিল৷ দিবাং ভেলী জিলাৰ ভিতৰুৱা কামত নিয়োগ কৰি শ্ৰমিকসকলক খাদ্যৰ যোগান ধৰা নাছিল৷ ফলত ভোকে-পিঁয়াহে দিন কটাবলগীয়া হৈছে৷ লগতে ঘৰলৈ আহিব খুজিলেও ঠিকাদাৰী প্ৰতিষ্ঠানে বাধা প্ৰদান কৰিছে। মৃত্যুৰ ভাবুকি দিয়াৰো অভিযোগ উঠিছে৷ পৰিয়াল কেইটাই অৱশেষত নগাঁৱৰ কচুৱা আৰক্ষীক অভিযোগ দাখিল কৰিছে৷ শ্ৰমিক কেইজনক উদ্ধাৰৰ বাবে কাতৰ আহ্বান জনাই পৰিয়ালে৷ মুখ্যমন্ত্ৰী ড০ হিমন্ত বিশ্ব শৰ্মাক কাতৰ আহ্বান জনাই কয় যে আপুনি আমাৰ সন্তাক উদ্ধাৰত সহায় কৰক।