editorআজি ঢলা শদিয়া দলঙৰ সমীপত মুখ্যমন্ত্ৰী হিমন্ত বিশ্ব শৰ্মাৰ সভা অনুষ্ঠিত হ’ব। দিনৰ ১ বজাত ঢলা শদিয়া দলঙৰ সমীপত অনুষ্ঠিত হ’বলগীয়া সভাৰ পূৰ্বে কৃষক মুক্তি সংগ্ৰাম সমিতিৰ নেতাক আটক কৰাৰ অভিযোগ উত্থাপন হৈছে। কৃষক মুক্তিৰ নেতা ধৰ্মৰাজ শৰ্মাক পুৱা ৭ বজাতেই লেখাপানী থানাৰ আৰক্ষীয়ে আটক কৰা বুলি জানিব পৰা গৈছে।
জানিব পৰা মতে, মুখ্যমন্ত্ৰী হিমন্ত বিশ্ব শৰ্মাৰ সভাত তিনিচুকীয়া মহিলা সমাজে মাইক্ৰ ফাইনেঞ্চৰ ঋণ মাফ, স্মাৰ্ট মিটাৰ সম্পূৰ্ণৰূপে বন্ধ কৰাৰ দাবীত আন্দোলন কৰাৰ সিদ্ধান্ত লৈছিল। এই আন্দোলন নিঃশেষ কৰিবলৈ আটক কৰা বুলি জানিব পৰা গৈছে।
সংগঠনৰ নেতা উমানন্দ মৰাণে কয়”এয়া গণতান্ত্ৰিক ৰাষ্ট্ৰৰ বাবে কিমান যোগাত্মক পৰিৱেশ সেইয়া অতিকৈ চিন্তনীয়। কেৱল আন্দোলন গঢ়ি তোলা হ’ব বুলি সংবাদ মাধ্যমৰ জড়িয়তে দাবী কেইটা তুলি ধৰাটো অপৰাধ হ’ব পাৰে নে ?? শ্ৰদ্ধাৰ ৰাইজ বেছি নিলিখো। দাবী সতীৰ্থ কমৰেড তথা জিলা সমিতিৰ যুটীয়া সাধাৰণ সম্পাদক ধৰ্মৰাজ শৰ্মা ডাঙৰীয়াক অতি শীঘ্ৰে বিনাচৰ্তে মুক্তিৰ দাবী জনালো।”
Brahmaputra Times
