জ্যেষ্ঠ অধিবক্তা উপমন্যু হাজৰিকাসহ ছয়গৰাকী লোকৰ বিৰুদ্ধে মানহানি গোচৰ ৰুজু কৰিছে মুখ্যমন্ত্ৰী হিমন্ত বিশ্ব শৰ্মাৰ পত্নী ৰিণিকি ভূঞা শৰ্মাই৷ গুৱাহাটীৰ সত্ৰ ন্যায়াধিশৰ আদালতত এই গোচৰ ৰুজু কৰিছে মুখ্যমন্ত্ৰী পত্নীয়ে৷ ন্যায় সংহিতা ৩৫৬, ৩(৫), ৩(৬) ধাৰাত ৰুজু গোচৰত ১০ ফেব্ৰুৱাৰীত শুনানিৰ দিন ধাৰ্য কৰা হৈছে৷ উপমন্যু হাজৰিকাৰ সৈতে গোচৰ ৰুজু কৰা আনকেইবাগৰাকী লোক হৈছে কলিয়াবৰৰ চাৰিলেন ৰাষ্ট্ৰীয় ঘাইপথ নিৰ্মাণ দাবী সমিতিৰ বিষয়-ববীয়া৷ ৰাষ্ট্ৰীয় ঘাইপথ নিৰ্মাণ দাবী সমিতিৰ সভাপতি মিনু শইকীয়া আৰু সম্পাদক প্ৰদীপ লস্কৰৰসহ মুঠ ছয়জন লোকৰ বিৰুদ্ধে গোচৰ ৰুজু কৰিছে৷ কেইদিন মান পূৰ্বে গুৱাহাটীত এখন সংবাদমেল সম্বোধন কৰি উপমন্যু হাজৰিকা আৰু কলিয়াবৰৰ চাৰিলেন ৰাষ্ট্ৰীয় ঘাইপথ নিৰ্মাণ দাবী সমিতিয়ে এখন সংবাদমেল সম্বোধন কৰিছিল৷ সংবাদমেলত প্ৰস্তাৱিত চাৰিলেন যুক্ত কলিয়াবৰৰ পৰা নুমলীগড়লৈ ৰাষ্ট্ৰীয় ঘাইপথৰ দিশ মুখ্যমন্ত্ৰীৰ হিমন্ত বিশ্ব শৰ্মাৰ পত্নী ৰিণিকি ভূঞা শৰ্মাৰ স্বাৰ্থত কৰা বুলি গুৰুতৰ অভিযোগ উত্থাপন কৰিছিল৷ মুখ্যমন্ত্ৰীৰ পত্নী হিমন্ত বিশ্ব শৰ্মাৰ পত্নীৰ স্বাৰ্থত পুৰণি ৰাস্তাটো সম্প্ৰসাৰণ কৰাৰ পৰিৱৰ্তে ৰিণিকি ভূঞা শৰ্মাৰ মাটি থকা এলেকাৰে পথটো নিয়াৰ অভিযোগ আনিছিল৷ মুখ‍্যমন্ত্ৰীৰ পত্নী ৰিণিকি ভূঞা শৰ্মাই কিছুদিন পূৰ্বে সেই অঞ্চলত ক্ৰয় কৰিছিল ১০৬ বিঘা মাটি৷ ব‍্যৱসায়িক মূল‍্য বৃদ্ধিৰ স্বাৰ্থত ৰাষ্ট্ৰীয় ঘাইপথটো জখলাবন্ধাৰ মাজেৰে নিনিয়াকৈ কলিয়াবৰৰ পৰা অন্য দিশেৰে নুমলিগড়ৰ নিব খোজাৰ অভিযোগ আনিছিল৷ মুখ্যমন্ত্ৰীৰ পত্নী তথা প্ৰাইড ইষ্ট এণ্টাৰটেইনমেন্ট প্ৰাইভেট লিমিটেডৰ পৰিচালন সঞ্চালিকা ৰিণিকি ভূঞা শৰ্মাৰ বিৰুদ্ধে অভিযোগ উত্থাপন কৰিছিল। গুৱাহাটী উচ্চ ন্যায়ালয়ত কলিয়াবৰৰ ৬৫ জনকৈ লোকে দাখিল কৰা ৩৮/২০২৪ নম্বৰৰ ৰাজহুৱা সাব্ৰাথ জড়িত আৱেদনক লৈ ২০ জানুৱাৰীত শুনানি হৈছিল উচ্চ ন্যায়ালয়ত৷ কেন্দ্ৰীয় চৰকাৰ, ৰাজ্য চৰকাৰ, ৰাষ্ট্ৰীয় ঘাইপথ প্ৰাধিকৰণক দুসপ্তাহৰ ভিতৰত স্থিতি স্পষ্ট কৰিবলৈ নিৰ্দেশনা জাৰি কৰিছে। গোচৰটোত চৰকাৰী পক্ষসমূহৰ উপৰি মুখ্যমন্ত্ৰীৰ পত্নীৰ মালিকানাধীন প্রাইড ইষ্ট এণ্টাৰটেইনমেণ্ট লিমিটেডকে ধৰি কেইবাটাও ব্যক্তিগত প্রতিষ্ঠানক পক্ষ কৰা হৈছে। প্রাইড ইষ্ট এণ্টাৰটেইনমেণ্ট লিমিটেডৰ কৃষিভূমিৰ মাজেৰে ৰাষ্ট্ৰীয় ঘাইপথটো নতুনকৈ সম্প্ৰসাৰণৰ বাবে ব্যৱস্থা গ্ৰহণৰ গুৰুতৰ অভিযোগ আনে৷