ডিজিটেল ডেস্কঃ আজি ৫৭ বছৰত ভৰি দিলে দিল্লীৰ মুখ্যমন্ত্ৰী অৰবিন্দ কেজৰিৱালে। দিল্লীৰ সুৰা নীতি কেলেংকাৰীত কাৰাগাৰত বন্দী হৈ থকা দিল্লীৰ মুখ্যমন্ত্ৰীগৰাকীক আজি জন্মদিনৰ শুভেচ্ছা জনাইছে আম আদমী পাৰ্টিৰ নেতা আৰু তেওঁৰ সমৰ্থকসকলে।

কেজৰিৱালক জন্মদিনৰ শুভেচ্ছা জনাইছে আপৰ জ্যেষ্ঠ নেতা মনীষ ছিছ’দিয়াইও। তেওঁ কয় যে দলৰ চুপ্ৰেমোজনে ‘দেশত চলি থকা একনায়কত্ববাদৰ বিৰুদ্ধে আটাইতকৈ কঠিন যুঁজ’ যুঁজি আছে।

নিজৰ ছ’চিয়েল মিডিয়া হেণ্ডেলত পোষ্ট কৰি কেজৰিৱালক জন্মদিনৰ শুভেচ্ছা বাৰ্তালে ছিছ’দিয়াই লিখিছে, “দেশত চলি থকা একনায়কত্ববাদৰ বিৰুদ্ধে কঠোৰতম সংগ্ৰাম কৰা দিল্লীৰ মুখ্যমন্ত্ৰী মোৰ প্ৰিয় বন্ধু তথা ৰাজনৈতিক গুৰু অৰবিন্দ কেজৰিৱাল জীলৈ জন্মদিনৰ শুভেচ্ছা জনালোঁ।’’

তেওঁ আৰু লিখিছে, “আমি গৌৰৱান্বিত যে আমি এজন দেশপ্ৰেমিক আৰু বিপ্লৱী নেতাৰ জোৱান হোৱাৰ বাবে গৌৰৱান্বিত। তেওঁ একনায়কত্ববাদীৰ আগত আঁঠু লোৱাতকৈ জেললৈ যোৱাটোৱেই পছন্দ কৰিছিল। আজি দেশৰ গণতন্ত্ৰ অৰবিন্দ কেজৰিৱালৰ ৰূপত বন্দী হৈ আছে।”

‘এক্স’ত এটা পোষ্টত আপে কেজৰিৱালক জন্মদিনৰ শুভেচ্ছা জনায় লিখে যে অৰবিন্দ কেজৰিৱাল এনে এটা ধাৰণা, যিটো যিমানেই দমন কৰা হয় সিমানেই শক্তিশালী হৈ পৰে। ইফালে মন্ত্ৰী আতিশীয়ে কেজৰিৱালক ‘আধুনিক ভাৰতৰ বিপ্লৱী’ বুলি অভিহিত কৰি জন্মদিনৰ শুভেচ্ছা জনাই শীঘ্ৰে জেলৰ পৰা ওলাই আহিব বুলি আস্থা প্ৰকাশ কৰে।

আতিশীয়ে আৰু কয় যে তেওঁ নিজৰ সৎ ৰাজনীতিৰে দিল্লীবাসীৰ মাজত নতুন আশাৰ সঞ্চাৰ কৰিছে। একনায়কত্ববাদৰ বিৰুদ্ধে যুঁজি লাখ লাখ মানুহৰ ভৱিষ্যত গঢ় দিয়া অৰবিন্দ জী আজি এক ভুৱা গোচৰত কাৰাগাৰত বন্দী হৈ আছে। কিন্তু সত্যই প্ৰাধান্য পাব আৰু দিল্লীৰ প্ৰিয় মুখ্যমন্ত্ৰীগৰাকী জয়ী হ’ব।