আজি ডিব্ৰুগড় জিলাৰ চাবুৱা সমষ্টিৰ লাহোৱালৰ হেজেলবেংকত অসম গণ পৰিষদৰ এখন বিশেষ সাংগঠনিক সভা অনুষ্ঠিত হয়৷ হেজেলবেংক চাহ বাগিচাৰ প্ৰেক্ষাগৃহত অগপৰ ইকৰাতলি আঞ্চলিক সমিতিৰ সভাপতি ৰমেশ গগৈৰ পৰিচালনা অনুষ্ঠিত সাংগঠনিক সভাত দলটোৰ বুকল জিলা পৰিষদৰ অন্তৰ্গত ৫ খন গাঁও পঞ্চায়তৰ কৰ্মীসকল উপস্থিত থাকে৷ সাংগঠনিক সভাত বিধায়ক পোনাকণ বৰুৱা উপস্থিত থাকি বকুল জিলা পৰিষদত পঞ্চায়ত নিৰ্বাচনৰ ৰণশিঙা বজায়। ৪ শতাধিক কৰ্মী উপস্থিত থকা সভাত ১০০ৰ অধিক বিভিন্ন ৰাজনৈতিক দলৰ কৰ্মীয়ে অগপত যোগদান কৰে। পঞ্চায়ত নিৰ্বাচনৰ ৰণশিঙা বজাই বিধায়ক পোনাকণ বৰুৱাই কংগ্ৰেছ দলক অতীত বুলি দোহাৰে৷ বৰুৱাই কয় যে কংগ্ৰেছ এতিয়া অতীত৷ পঞ্চায়ত নিৰ্বাচনক লৈ কংগ্ৰেছে নিজৰ নাম ল’বই নাপায়৷ কংগ্ৰেছৰ দিনত পঞ্চায়তত যিবোৰ প্ৰতিনিধি নিৰ্বাচিত হৈছিল সেইসকলক ৰাইজে জনতাৰ কাম কৰিবলৈ প্ৰতিনিধি নিৰ্বাচিত কৰিছিল৷ কিন্তু প্ৰতিনিধিসকলে দালালি আৰু ঠিকাদাৰ হিচাপে কাম কৰিছিল৷ কংগ্ৰেছৰ দিনত এনে হ’ল যে পঞ্চায়ত মানেই দুৰ্নীতি, পঞ্চায়ত মানেই ভ্ৰষ্টাচাৰ বুলি গ্ৰহণ কৰিছিল৷ যাৰ বাবে কংগ্ৰেছক মানুহে চূড়ান্তভাৱে প্ৰত্যাখ্যান কৰিছে৷ কংগ্ৰেছ আজি গণ বিচ্ছিন্ন৷ কংগ্ৰেছক এতিয়া আৰু আকোৱালি নলয় বুলি তীব্ৰ আক্ৰমণ কৰে বৰুৱাই৷ আনহাতে, ৰাষ্ট্ৰীয় ৰাজনৈতিক দলে নাগপুৰ আৰু দিল্লীৰ পৰা হিন্দু-মুছলমানক লৈ ৰাজনীতি কৰে কিন্তু অসম গণ পৰিষদ দলে জাতি-জনগোষ্ঠী নামত কেতিয়াও ৰাজনীতি নকৰে বুলি মন্তব্য প্ৰদান কৰে অগপ কেন্দ্ৰীয় সমিতিৰ সাধাৰণ সম্পাদক তথা চাবুৱা সমষ্টিৰ বিধায়ক পোনাকণ বৰুৱাই। সভাত সভাত অসম গণ পৰিষদৰ চাহ কোষৰ সভাপতি প্ৰমোদ ভেংৰা, চাবুৱা-লাহোৱাল সমষ্টি সমিতিৰ সভাপতি কৃষ্ণানন্দ দুৱৰা, সম্পাদক বিনোদ বুঢ়াগোহাঁই, নিতুল শইকীয়া, মহিলা পৰিষদৰ উপসভানেত্ৰী অঞ্জলী গগৈ, অগপ নেতা প্ৰভাত চাহু, নেত্ৰী মিনু গোৱালা, ইকৰাতলি আঞ্চলিক সমিতিৰ সম্পাদক বিশ্বজিত সন্দিকৈ উপস্থিত থাকে।