Brahmaputra Times
সমগ্ৰ নগাঁও জিলাত সুদখোৰে অবৈধ বেহা চলাই থকাৰ অভিযোগৰ মাজতে বটদ্ৰৱাৰ কুখ্যাত সুদখোৰ ফণী মণ্ডলক গ্ৰেপ্তাৰ কৰিছে বটদ্ৰৱা আৰক্ষীয়ে৷ এগৰাকী মহিলাৰ এজাহাৰৰ ভিত্তিত বটদ্ৰৱা আৰক্ষীয়ে গ্রেপ্তাৰ কৰে সুদখোৰ ফণী মণ্ডলক৷ ভুক্তভোগী মহিলাগৰাকীক সুদত টকা দি সোণৰ আ-অলংকাৰ জব্দ কৰি ৰাখিছিল ফণী মণ্ডলে৷ ইতিমধ্যে মহিলাগৰাকীৰ আ-অলংকাৰ আৰক্ষীয়ে উদ্ধাৰ কৰিছে বুলি জানিব পৰা গৈছে৷ সমগ্ৰ নগাঁও জিলাৰ চুকো-কোণে চলা সুদৰ অবৈধ বেহাই বহু পৰিয়ালক বৰবাদ কৰিছে৷ মাহেকত ১২ৰ পৰা ২০ টকা পৰ্যন্ত সুদ সংগ্ৰহ কৰি গৈছে সুদখোৰসকলে৷ চাকৰিজীৱি, শ্ৰমিক, ব্যৱসায়ীক সুদত টকা দি ২০ শতাংশ পৰ্যন্ত টকা সংগ্ৰহ কৰা হয়৷ সুদ আদায় দিব নোৱাৰা পৰিয়ালৰ সা-সামগ্ৰী উঠাই অনা হয়৷ আনকি হত্যাৰ ভাবুকি পৰ্যন্ত দিয়া বুলিও অভিযোগ উত্থাপন হৈছে৷
বটদ্ৰৱা আৰক্ষীয়ে ফণী মণ্ডলক গ্ৰেপ্তাৰৰ পাছতে জুৰীয়া আৰক্ষী থানা, কচুৱা আৰক্ষী থানা আৰু নগাঁও সদৰ আৰক্ষী থানাই সুদখোৰৰ বিৰুদ্ধে অভিযান নচলোৱাত চাঞ্চল্যৰ সৃষ্টি হৈছে৷ জুৰীয়া, কচুৱা, সদৰ আৰক্ষী থানা এলেকাত পিয়াপি দি আছে সুদখোৰ৷ জুৰীয়া, কচুৱা আৰু নগাঁও সদৰত কেইবাজনো কুখ্যাত সুদোখেৰে মুকলিকৈ সুদৰ বেহা চলাই গৈছে৷ যদি বটদ্ৰৱা আৰক্ষীয়ে অভিযান চলাব পাৰে তেন্তে এই তিনিখন আৰক্ষী থানাই অভিযান চলাব নোৱাৰাৰ ৰহস্য কি?
তাফাজ্জুল হক মৰল ওৰফে তাইক্কা গুণ্ডা, মোজ্জাম্মিল হক মৰল ওৰফে মুজা মৰল, এমদাদুল হক ওৰফে এণ্ডা, আবুল কাছেম, খবিৰুদ্দিন, আবুল কালাম আজাদ, মজিবুৰ ৰহমান, আব্দুল মতিনে সুদৰ বেহা চলাইছে৷ নগাঁও সদৰত মফিজুল ইছলাম, ইমতিয়াজ হুছেইন, ফজৰ আলী দেৱান, মোকলেছ আলী দেৱান, চামচুদ্দিন ওৰফে চামচু, আব্দুল চালাম আৰু ইশ্ৰাফুল আলীয়ে সুদৰ মুকলি বেহা চলাই থকা হৈছে৷ কচুৱাত মতিবুৰ ৰহমান, ইক্ৰামূল ইছলাম, ওমৰ আলী আৰু মজিবুৰ ইছলাম সুদৰ ব্যৱসায় চলাই গৈছে৷
অভিযোগ মতে, জুৰীয়া, নগাঁও সদৰ, কচুৱাৰ সুদখোৰে আৰক্ষীক মাহেকত কমিচন দি ৰমৰমীয়া বেহা চলাই গৈছে৷ তাফাজ্জুল হক মৰল ওৰফে তাইক্কা গুণ্ডা, মোজ্জাম্মিল হক মৰল ওৰফে মুজা মৰল, এমদাদুল হক ওৰফে এণ্ডা, আবুল কাছেম, খবিৰুদ্দিন, আবুল কালাম আজাদ, মজিবুৰ ৰহমান, আব্দুল মতিন, মফিজুল ইছলাম, ইমতিয়াজ হুছেইন, ফজৰ আলী দেৱান, মোকলেছ আলী দেৱান, চামচুদ্দিন ওৰফে চামচু, আব্দুল চালাম, ইশ্ৰাফুল আলী, মতিবুৰ ৰহমান, ইক্ৰামূল ইছলাম, ওমৰ আলী আৰু মজিবুৰ ইছলামক কেতিয়া কৰিব গ্ৰেপ্তাৰ কৰিব নগাঁও আৰক্ষীয়ে?
