Brahmaputra Times
গুৱাহাটীৰ মুখ্য পথ আৰু দ্বৈত পথত ই-ৰিক্সাৰ চলাচল নিষিদ্ধ কৰাত মিশ্ৰিত প্ৰতিক্ৰিয়াৰ সৃষ্টি হৈছে৷ কামৰূপ মহানগৰ জিলা প্ৰশাসনেগ্ৰহণ কৰা গুৰুত্বপূৰ্ণ সিদ্ধান্ত অনুসৰি এতিয়াৰ পৰা গুৱাহাটীৰ মুখ্য পথসমূহত ই-ৰিক্সা চলাব নোৱাৰিব৷ মুখ্য পথৰ সৈতে সংলগ্ন চ’কৰ পৰা দুটা এটা ভিতৰুৱা পথতহে ই-ৰিক্সা চলাব পাৰিব৷ গুৱাহাটী মহানগৰ প্ৰশাসনে এক কঠোৰ নিৰ্দেশ দি এখন তালিকা প্ৰকাশ কৰিছে৷ এই তালিকাত যি কেইটা পথ নিৰ্দিষ্ট কৰি দিয়া হৈছে সেই কেইটা পথতহে ই-ৰিক্সা চলাব পাৰিব চালকসকলে৷ ৰিক্সা চলোৱাৰ সময়ত পিন্ধিক লাগিব খাকী পোছাক৷ চালকৰ লগতে লাইচেন্স, চালকৰ পুলিচ ভেৰিফিকেচন জৰুৰী কৰা হৈছে. অন্যথাই জৰিমনা বিহা হ’ব৷ গুৱাহাটী ৰিফাইনেৰীৰ ছেক্টৰ-১, ছেক্টৰ-২, নিজৰাপাৰ৷ পানীখাইতী ৰে’লৱে ক্ৰছিঙৰ পৰা ডিগাৰুলৈ৷ ডিগাৰুৰ পৰা সোণাপুৰলৈ৷ সোণাপুৰ বজাৰৰ পৰা মৰগ দুলা, উৰাল, কমলাজাৰী, ১৪ মাইললৈ, সোণাইগাঁও সৰুটাৰি৷ জুৰিপাৰৰ পৰা সাত গাঁৱলৈ৷ পাঞ্জাবাৰী বাছস্থানৰ পৰা গুৱাহাটী পাব্লিক স্কুল, বতাহঘুলিলৈ৷ বাঘৰবৰী তিনিআলিৰ পৰা সাতগাঁও বুধবৰীয়া বজাৰলৈ৷ ক্ষেত্ৰী বজাৰৰ পৰা বেঙেনাবাৰী, শালনি, মালৈবাৰী, তেতেলীয়ালৈ৷ কইনাধৰাৰ পৰা পাটৰকুছিলৈ৷ বশিষ্ঠ মন্দিৰৰ পৰা গণেশনগৰ, বৰপথাৰলৈ৷ গড়চুকৰ পৰা পামহি, দীপৰ বিল, পাটগাঁও বিএছএফ কেম্প, ডিপিএছলৈ৷ সাতমাইলৰ পৰা অসম অভিযান্ত্রিক মহাবিদ্যালয় হৈ বিজ্ঞান আৰু প্রযুক্তিবিদ্যা প্রতিষ্ঠানলৈ৷ সুন্দৰবড়ীৰ পৰা সাতমাইল, বিজ্ঞান আৰু প্রযুক্তিবিদ্যা প্রতিষ্ঠানলৈ৷ পাটগাঁও বিএছএফ কেম্পৰ পৰা ৰাণী, একোলেণ্ডলৈ৷ এয়াৰপৰ্টৰ পৰা গড়ললৈ৷ ধাৰাপুৰৰ পৰা গড়ললৈ৷ এয়াৰপৰ্টৰ পৰা কাঁহিকুছিলৈ৷ মূলপথৰ পৰা উপ-পথৰ শেষ পইণ্টলৈ৷ দক্ষিণ গাঁৱৰ পৰা সোণাইঘুলিলৈ৷ হেঙেৰাবাৰী পাব্লিক হেল্থ চ’কৰ পৰা গাহৰিকটা চ’ক, জাপৰিগোগলৈ৷ লালমাটিৰ পৰা বৈকুণ্ঠপুৰলৈ৷ সিজুবাৰী মাজাৰৰ পৰা দক্ষিণ গাঁৱলৈ৷ পাথৰকুঁৱেৰীৰ পৰা সাতগাঁও, বাঘৰবৰী তিনিআলিলৈ৷ সাউকুছিৰ পৰা এনইএফ আইন মহাবিদ্যালয়লৈ হৈ ঘোৰামাৰালৈ৷ লালমাটিৰ পৰা এজি পইণ্টলৈ৷ এজি পইণ্টৰ পৰা জয়ানগৰৰ ৰিলায়েন্স মার্কেটলৈ৷ শেৱালি পথৰ পৰা মেঘমল্লাৰ কমপ্লেক্স হৈ নটবমালৈ৷ দাতালপাৰাৰ পৰা ছাউথ পইণ্ট স্কুললৈ৷ আদাবাৰী কাটিয়া দলঙৰ পৰা জয়মতী নগৰ হৈ পাণ্ডু পর্টলৈ৷ গণেশ টার্নিঙৰ পৰা জনকপুৰলৈ৷ খেৰাইকুছিৰ পৰা চন্দন নগৰ হৈ বেহাৰবাৰী, হকী ষ্টেডিয়াম হৈ সাউকুছিলৈ থকা পথত ই-ৰিক্সা চলাব পাৰিব৷ মুঠ ৩৪ টা উপ-পথত ই-ৰিক্সা চলাব পাৰিব৷
