আৰক্ষী বিষয়া দিগন্ত বৰাক আতৰাই পাৰ্থ সাৰথি মহন্তক গুৱাহাটী আৰক্ষীৰ আয়ুক্ত কৰা হৈছে৷ দিগন্ত বৰাক আৰক্ষীৰ বিশেষ শাখালৈ বদলি কৰা হৈছে। আজি ৰাজ্যৰ গৃহ বিভাগে প্ৰকাশ কৰা নিৰ্দেশনা অনুসৰি এতিয়াৰ পৰা এছটিএফৰ মুৰব্বীৰ পৰিৱৰ্তে গুৱাহাটী আৰক্ষীৰ আয়ুক্ত হ’ব পাৰ্থ সাৰথি মহন্ত৷ পাৰ্থ সাৰথি মহন্ত দিগন্ত বৰাৰ স্থলাভিষিক্ত হ’ব৷ শেহতীয়াকৈ দিগন্ত বৰা আঘাতপ্ৰাপ্ত হৈছিল৷ ১৮ ডিচেম্বৰত কংগ্ৰেছে ‘ৰাজভৱন চলো’ যাত্ৰা কৰাৰ সময়ত কংগ্ৰেছৰ প্ৰতিবাদকাৰীক বাধা প্ৰদান কৰাৰ সময়তে আঘাতপ্ৰাপ্ত হৈছিল দিগন্ত বৰা৷ বৰাৰ সোঁ-ভৰিৰ লিগামেণ্ট ছিঙি গৈছিল বুলি জানিব পৰা গৈছে৷