অসমৰ মুখ্যমন্ত্ৰী ড০ হিমন্ত বিশ্ব শৰ্মাই কংগ্ৰেছৰ যােৰহাট সাংসদ গৌৰৱ গগৈক লক্ষ্য কৰি গুৰুতৰ অভিযোগ উত্থাপন কৰিছে। ১০ ছেপ্তেম্বৰলৈ প্ৰমাণৰ কথা কৈয়ে তেওঁ গৌৰৱ গগৈৰ সৈতে জড়িত তিনিটা প্রশ্ন উত্থাপন কৰে৷

১. পাকিস্তান ভ্ৰমণৰ সত্যতাঃ গৌৰৱ গগৈই ১৫ দিন পাকিস্তানত কটোৱাৰ কথাক লৈ সন্দেহ প্রকাশ কৰি, তেওঁ ক্লেৰিটিকেশ্যন দাবী কৰিছে। মুখ্যমন্ত্ৰীয়ে কয়, “নামাজ পঢ়াৰ ধুনীয়া পদ্ধতি অসম বা ভাৰতত নিশিকিলে। পাকিস্তানত ১৫ দিন থাকি নেকি ই শিকিলে?”

২. পৰিয়ালৰ নাগৰিকত্ব আৰু ধৰ্মঃ গৌৰৱ গগৈৰ পত্নীয়ে পাকিস্তানী এনজিঅ’ৰ পৰা দৰমহা লোৱা বুলি অভিযোগ কৰি, মুখ্যমন্ত্ৰীয়ে তেওঁৰ ল’ৰা-ছোৱালী দুয়োটিৰ নাগৰিকত্ব (ভাৰতীয় নে নহয়) আৰু ধৰ্মৰ বিষয়ে স্পষ্টীকৰণ বিচাৰিছে। তৰুণ গগৈৰ নাতিনীয়েককো “অসমীয়া বা ভাৰতীয় নহয়” বুলি কটাক্ষ কৰিছে।

৩. পাকিস্তানী সংস্থাৰ সৈতে আর্থিক সম্পৰ্ক: গৌৰৱ গগৈৰ পত্নীয়ে ভাৰতত কাম কৰিও পাকিস্তানৰ পৰা দৰমহা পোৱা বুলি কৈ, এইটোক “পাকিস্তানী এজেণ্ট” হোৱাৰ প্ৰমাণ বুলি অভিহিত কৰিছে।

হিমন্ত বিশ্ব শৰ্মাই দাবী কৰে যে গৌৰৱ গগৈৰ পৰিয়াল ভাৰতীয় নাগৰিক নহ’লে ই অসমৰ বাবে “লাজৰ বিষয়”। তেওঁ ১০ ছেপ্তেম্বৰত সকলো প্ৰমাণ আগবঢ়াব বুলি ঘোষণা কৰি কয়, “মুখ্যমন্ত্ৰী হিচাপে মই অসত্য নকওঁ। প্ৰমাণ নাথাকিলে পদত্যাগ কৰিম, কিন্তু অসমীয়াই সিদ্ধান্ত ল’ব।”