অসমৰ ৰাইজে আঞ্চলিকতাবাদক বিশ্বাস কৰে৷ অসমৰ ৰাইজে জাতীয়তাবাদক বিশ্বাস কৰে৷ জাতীয়তাবাদৰ ভিত্তিতে অসম সমৃদ্ধ হ’ব৷ সকলোৱে অসম গণ পৰিষদৰ দলৰ সৈতে একত্ৰিত হ’ব লাগে৷ এই আহ্বান হৈছে অসম গণ পৰিষদৰ জ্যেষ্ঠ নেতা তথা চাবুৱা সমষ্টিৰ বিধায়ক পোনাকণ বৰুৱাৰ৷ আজি চাবুৱা-লাহোৱাল সমষ্টিৰ অন্তৰ্গত চাবুৱাস্থিত মুখ্য কাৰ্যালয়ত অনুষ্ঠিত এক যোগদান কাৰ্যসূচীত অংশ লৈ বিধায়ক পোনাকণ বৰুৱাই অগপ দলক শক্তিশালী কৰিবলৈ সকলোকে আহ্বান জনাইছে৷ আজি চাবুৱাস্থিত অগপৰ কাৰ্যালয়ত অনুষ্ঠিত তিনি শতাধিক মহিলা-পুৰুষে অগপত যোগদন কৰে৷ সকলো মহিলাক ফুলাম গামোচা পিন্ধাই দললৈ আদৰণি জনায় বিধায়ক বৰুৱাই৷ বিধায়কগৰাকীয়ে মহিলা-পুৰুষক আদৰণি জনাই কয় যে সমগ্ৰ চাবুৱা-লাহোৱাৰ সমষ্টিত যোগদানৰ জোৱাৰ উঠিছে৷ মৰাণকাৰী এলেকাৰ তিনি শতাধিক মহিলাই অগপত যোগদান কৰিছে৷ এই যোগদানে সমগ্ৰ চাবুৱা-লাহোৱাল সমষ্টিত অসম গণ পৰিষদক শক্তিশালী কৰিব৷ এইযোগদান যাত্ৰা অব্যাহত থাকিব বুলি দাবী কৰি বিধায়কজনে আৰু কয় যে দললৈ আহিব খোজা সকলোকে আদৰণি জনাম৷ সকলোকে অগপত যোগদান কৰি দলৰ হৈ কাম কৰি যাবলৈ আহ্বান জনাইছে বিধায়ক বৰুৱাই৷