হিংসাজৰ্জৰ মণিপুৰৰ পৰিস্থিতি পুনৰ অশান্ত হৈ উঠাত চৌদিশে জুই, গুলী আৰু জনতাৰ ধ্বনি শুনা গৈছে। ১২ নৱেম্বৰৰ পৰা পুনৰ উত্তপ্ত হৈ পৰা মণিপুৰত আজি ২০ বছৰীয়া যুৱকৰ বুকু ভেদি গ’ল বন্দুকৰ গুলী৷ প্ৰতিবাদ কৰি থকাৰ সময়তে নিৰাপত্তাৰক্ষীৰ গুলীত ৰাজপথত ঢলি পৰি থিতাতে নিহত হয় ২০ বছৰীয়া যুৱক৷ প্ৰতিবাদৰত অৱস্থাত খুন্দ্ৰাকপাম আথৌবা নিহত হয়৷ আহত এজনক কে বিষাণ বুলি চিনাক্ত কৰা হৈছে। গুলীচালনাৰ ঘটনা সংঘটিত হৈছে শেহতীয়া হিংসাৰ কেন্দ্ৰ জিৰিবামত৷ যি জিৰিবামত চিআৰপিএফৰে লগা সংঘৰ্ষত সন্দেহজনক ১১ কুকি বিদ্ৰোহী নিহত হৈছিল৷ লগতে এইখন জিৰিবামৰ এটা শিবিৰৰ পৰা সন্দেহজনক কুকি বিদ্ৰোহীয়ে অপহৰণ কৰি নি হত্যা কৰিছে কেঁচুৱাসহ ছয়গৰাকী মহিলাক৷ কেঁচুৱা মহিলাক অপহৰণ কৰি হত্যাৰ কৰাৰ পাছতে পুনৰ জ্বলি উঠিছে মণপিৰ৷ মেইটেই সম্প্ৰদায়ৰ ছয়গৰাকী লেকাক হত্যা কৰাত মেইটেই সম্প্ৰদায়ে ৰাজপথলৈ ওলাই আহি ৰাজহুৱা স্থানত টায়াৰ জ্বলাই প্ৰতিবাদ আৰম্ভ কৰিছিল৷ কিন্তু কেইটামান মুহূৰ্তৰ ভিতৰতে সমগ্ৰ মণিপুৰ জ্বলি উঠে৷ ইম্ফলৰ ৰাজপথ দখল কৰি মুখ্যমন্ত্ৰী, মন্ত্ৰী আৰু কবাজনো বিধায়কৰ ঘৰত আক্ৰমণ কৰি সা-সামগ্ৰী জ্বলাই দিছে মেইটেই প্ৰতিবাদকাৰীয়ে৷ আজিও জিৰিমাবৰত এগৰাকী বিধায়কৰ ঘৰত আক্ৰমণৰ কৰিবলৈ উদ্যত হোৱাৰ সময়তে নিৰাপত্তাৰক্ষীয়ে গুলীচালনা কৰে৷ ৰাজপথত প্ৰতিবাদকাৰীসকলে উত্তপ্ত পৰিস্থিতিৰ সৃষ্টি কৰাত পৰিস্থিতি নিয়ন্ত্ৰণৰ বাবে আৰক্ষীয়ে গুলীচালনা কৰিবলগা হয় বুলি জানিব পৰা গৈছে৷ আৰক্ষীৰ গুলীচালনাত খুন্দ্ৰাকপাম আথৌবা নিহত হোৱাৰ ঘটনাক কেন্দ্ৰ কৰি উত্ত হৈছে জিৰিবাম৷ জিৰিবাম চহৰৰ ৰাজপথত এটা জনতাই প্ৰতিবাদ কৰি থকাৰ সময়তে শাসকীয় বিজেপি আৰু কংগ্ৰেছৰ কাৰ্যালয়ত আক্ৰমণ কৰা হয়। অস্থিৰ পৰিস্থিতিৰ পৰিপ্ৰেক্ষিতত ৰাজ্য চৰকাৰে সোমবাৰে আৰু মঙলবাৰে কাৰফিউ বলবৎ হৈ থকা ইম্ফল পূব, ইম্ফল পশ্চিম আৰু বিষ্ণুপুৰ জিলাত সকলো শিক্ষানুষ্ঠান বন্ধ ৰখাৰ নিৰ্দেশ দিছে। সাতখন প্ৰভাৱিত জিলাত ইণ্টাৰনেট আৰু মোবাইল সেৱা স্থগিত ৰখা হৈছে। এই ঘটনাৰ পিছতে মুখ্যমন্ত্ৰী এন বীৰেন সিঙে সোমবাৰে সন্ধিয়া ৬ বজাত সকলো অ-কংগ্ৰেছী বিধায়কৰ সৈতে এখন বৈঠকত মিলিত হোৱাৰ ঘোষণা কৰিছে৷ শেহতীয়াভাৱে উত্তপ্ত পৰিস্থিতিত ২০ জনৰো অধিক লোকৰ মৃত্যু হৈছে। আটাইতকৈ বেছি ক্ষতিগ্ৰস্ত হৈছে জিৰিবাম জিলা। বৰ্তমান অধিক ভয়াৱহ হৈ পৰিছে মণিপুৰৰ জিৰিবামৰ পৰিস্থিতি৷ আৰক্ষীৰ গুলীত এজন মেইটেই প্ৰতিবাদকাৰী যুৱক নিহত হোৱাৰ লগতে দুজন গুলীবিদ্ধ হোৱাত পৰিস্থিতি আৰু অধিক জটিল হোৱাৰ আশংকা কৰা হৈছে।