জ্যেষ্ঠ আইপিএছ হৰমিৎ সিঙে অসম আৰক্ষী সঞ্চালক প্ৰধানৰ দায়িত্ব লৈয়ে সক্ৰিয় হৈছে৷ আইন শৃংখলা পৰিস্থিতি অধিক উন্নত কৰিবলৈ কিছু ব্যৱস্থা গ্ৰহণ কৰিছে সিঙে৷ ২৯ জানুৱাৰীত আনুষ্ঠানিকভাৱে গ্ৰহণ কৰা হৰমিত সিঙে আৰক্ষী বিভাগটোত অধিক শক্তিশালী কৰিবলৈ পণ লৈছে৷ অসম আৰক্ষীক ৰাইজৰ বন্ধুৰ কৰাৰ লগতে জনসাধাৰণৰ ওচৰ চপাই নিবলৈ কিছু পদক্ষেপ গ্ৰহণ কৰিছে৷ আৰক্ষী সঞ্চালক প্ৰধানগৰাকীয়ে সাধাৰণ লোকৰ অভিযোগ, সমস্যাৰ বুজ ল’বলৈ বা সাক্ষাৎ পাবলৈ মুকলি কৰিছে বিভিন্ন যোগাযোগৰ মাধ্যম৷ মোবাইল নম্বৰ, হোৱাটছএপ নম্বৰ, ই-মেইল আইডি ৰাজহুৱা কৰিছে৷ 6026903488 হোৱাটছএপ নম্বৰ, dgpassam.appointment@gmail.com ই-মেইল আই ডি প্ৰকাশ কৰিছে৷ অসম আৰক্ষীয়ে জাৰি বিবৃতি মতে, আপুনি যদি আৰক্ষী সঞ্চালকপ্ৰধান হৰমিত সিঙক সাক্ষাৎ কৰিব বিচাৰ তেন্তে হোৱাটছএপ নম্বৰ 6026903488 বা ই-মেইল আই ডি dgpassam.appointment@gmail.com লৈ বার্তা প্ৰেৰণ কৰক।