তিনিচুকীয়া জিলাৰ শদিয়াৰ চূণপোৰাত সংঘটিত নৃশংস ঘটনাই তীব্ৰ চাঞ্চল্যৰ সৃষ্টি কৰিছে৷ শদিয়াৰ চূণপোৰা ১২ বছৰীয়া কিশোৰ ৰোহিত ছেত্ৰীক অপহৰণ কৰি নৃশংস হত্যা কৰে অপহৰণকাৰীয়ে৷ ইতিমধ্যে দুই অপহৰণকাৰীক গ্ৰেপ্তাৰ কৰি ১২ বছৰীয়া কিশোৰ ৰোহিতৰ মৃতদেহ পুতি থোৱা অৱস্থাত উদ্ধাৰ কৰা হৈছে৷

জানিব পৰা মতে, বিদ্যালয়ৰ পৰা আহি থকা অৱস্থাত নিৰুদ্দেশ হয় পুত্ৰ ৰোহিত ছেত্ৰী। পৰিয়ালে ৰোহিতৰ শুংসূত্ৰ উদ্ধাৰ কৰিব নোৱাৰিলে। কিন্তু এটা অচিনাক্ত ফোনক ২৫ লাখ টকা মুক্তিপণ বিচাৰে৷ খবৰ আৰক্ষীক দিয়া হ’ল৷ ছাত্ৰজনক উদ্ধাৰৰ বাবে অভিযান আৰম্ভ কৰি দুজন লোকক গ্ৰেপ্তাৰ কৰে। ছাত্ৰজনক অপহৰণৰ কথা স্বীকাৰ কৰে। দুই দুৰ্বৃত্তৰ স্বীকাৰোক্তিৰ ভিত্তিত অৰুণাচল আৰক্ষীয়ে গাঁতৰ পৰা উদ্ধাৰ কৰে মৃতদেহটো। অপহৰণৰ দিনাই অৰ্থাৎ ২২ জুলাইত ছাত্ৰজনক নিৰ্মমভাৱে হত্যাৰ কথা স্বীকাৰ কৰে দুই নৰখাদকে। চূণপোৰাৰ নৰ বাহাদুৰ ছেত্ৰীয়ে গাখীৰৰ ব্যৱসায় কৰি ঘৰ চলায়৷ সুখেৰে সংসাৰ চলাই থকাৰ সময়তে পৰিয়ালটোলৈ অমানিশা নমাই আনিলে দুই দুৰ্বৃত্তই।