১৮, ১৯ আৰু ২০ মাৰ্চত তিনিদিনীয়াকৈ অনুষ্ঠিত হ’বলগীয়া ত্রয়োদশ বাৰ্ষিক নগাঁও ভাওনা সমাৰোহৰ আজি লাইখুঁটা স্থাপন কৰা হয়৷ লাইখুঁটা স্থাপন সাহিত্যিক, শিক্ষাবিদ, সত্ৰীয়া সংস্কৃতিৰ সাধক তিলক চন্দ্ৰ মজুমদাৰৰ উপস্থিতিত কৰা হয়৷ শ্ৰীমন্ত শংকৰদেৱৰ অপূৰ্ব সৃষ্টি অংকীয়া ভাওনা নগাঁও চহৰৰ কলঙৰ বাকৰি নেহেৰুবালিত অনুষ্ঠিত হ’ব৷ প্ৰচাৰ আৰু প্ৰসাৰ কৰা লক্ষ্যৰে নগাঁও ভাওনা সমাৰোহ উদযাপন কৰি আহিছে। নগাঁও ভাওনা সমাৰোহৰ জন্মলগনৰে পৰা নগাঁও সদৰ সমষ্টিৰ প্ৰাক্তন বিধায়ক দুৰ্লভ চমুৱাৰ নেতৃত্বত বিশেষকৈ ব্ৰজাৱলী ভাষাত অনুষ্ঠিত হোৱা এই ভাওনা সমাৰোহ খোলত একে লগে ৯ খন ভাওনা আৰু কেলিগোপাল নাট প্ৰদৰ্শন কৰা হয়। ভাওনা সমাৰোহত নগাঁও সমান্তৰালকৈ ৰাজ্যৰ বিভিন্ন প্ৰান্তৰ ভক্ত প্ৰাণ ৰাইজৰ বিপুল সঁহাৰি লাভ কৰি আহিছে।