অসম ৰাজ্যিক নিৰ্বাচন আয়োগে আজি পঞ্জাবাৰীস্থিত কাৰ্যালয়ৰ সভাগৃহত সংবাদমেল সম্বোধন কৰি পঞ্চায়ত নিৰ্বাচনৰ তাৰিখ ঘোষণা কৰে। দুটা পৰ্যায়ত অনুষ্ঠিত হ’ব পঞ্চায়ত নিৰ্বাচন৷ ২ মে’ত প্ৰথম পৰ্যায়ৰ নিৰ্বাচন, ৭ মে’ত দ্বিতীয় পৰ্যায়ৰ নিৰ্বাচন। ১১ মে’ত ভোট গণনা অনুষ্ঠিত হ’ব৷ মুখ্যমন্ত্ৰী ড০ হিমন্ত বিশ্ব শৰ্মাই ২ৰ পৰা ৫ এপ্ৰিলৰ ভিতৰত পঞ্চায়ত নিৰ্বাচন অনুষ্ঠিত কৰাৰ কথা উল্লেখ কৰিছিল৷ সেই অনুসৰিয়েই আজি নিৰ্বাচন আয়োগে আজি পঞ্চায়ত নিৰ্বাচনৰ দিন ঘোষণা কৰে৷ উচ্চতৰ মাধ্যমকিৰ প্ৰথম বৰ্ষ, দ্বিতীয় বৰ্ষৰ পৰীক্ষাৰ বাবে পঞ্চায়ত নিৰ্বাচন পিছুৱাই গৈছিল৷ কিয়নো একাদশ শ্ৰেণীৰ প্ৰশ্ন প্ৰশ্নকাকত ফাদিল হোৱাত পৰীক্ষাই পিছুৱাই দিবলগীয়া হয়৷ তাৰ পিছতে আজি পঞ্চায়ত নিৰ্বাচনৰ দিন ঘোষণা কৰা হয়৷ ইপিনে অসম চৰকাৰে সকলো কৰ্মচাৰীৰ ছুটী বাতিল কৰিছে। এদিন পূৰ্বে চৰকাৰে পঞ্চায়ত নিৰ্বাচনৰ বাবে সকলো কৰ্মচাৰীৰ ছুটী বাতিল কৰি নিৰ্দেশনা জাৰি কৰিছে। জৰুৰীকালীন ছুটীৰ প্ৰয়োজন হ’লে নিৰ্বাচন আয়োগৰ অনুমতি সাপেক্ষেহে ছুটী লাভ কৰিব৷