ডিজিটেল ডেস্কঃ পতঞ্জলিৰ ‘বিভ্ৰান্তিকৰ বিজ্ঞাপন গোচৰ’ত বাবা ৰামদেৱ আৰু আচাৰ্য বালকৃষ্ণক আজি সকাহ দিছে উচ্চতম ন্যায়ালয়ে। এই মানহানিৰ গোচৰটো বন্ধ কৰি দিছে আদালতে।

পতঞ্জলিৰ সামগ্ৰী সন্দৰ্ভত বিভ্ৰান্তিকৰ বিজ্ঞাপন দিয়াৰ বাবে বাবা ৰামদেৱ আৰু পতঞ্জলি আয়ুৰ্বেদ লিমিটেডৰ ক্ষমাপ্ৰাৰ্থনা গ্ৰহণ কৰি আদালতে মানহানিৰ গোচৰটো বন্ধ কৰি দিছে।

যোগগুৰু বালকৃষ্ণ আৰু কোম্পানীটোৰ হৈ অধিবক্তা গৌতম তালুকদাৰে কয় যে, “ৰামদেৱ, বালাকৃষ্ণ আৰু পতঞ্জলি আয়ুৰ্বেদ লিমিটেডে দিয়া প্ৰতিশ্ৰুতিৰ ভিত্তিত আদালতে অৱমাননাৰ কাৰ্য্যবিধি বন্ধ কৰি দিছে। ১৪ মে’ত উচ্চতম ন্যায়ালয়ে অৱমাননাৰ গোচৰ খাৰিজ কৰিছিল।”

কোভিড টিকাকৰণ অভিযান আৰু আধুনিক চিকিৎসা ব্যৱস্থাৰ বিৰুদ্ধে মানহানি অভিযান চলোৱাৰ অভিযোগ উত্থাপন কৰি ভাৰতীয় চিকিৎসা সংস্থাই দাখিল কৰা আবেদনৰ শুনানি গ্ৰহণ কৰি আছে শীৰ্ষ আদালতত।

২০২৩ চনৰ ২১ নৱেম্বৰ তাৰিখৰ নিৰ্দেশত শীৰ্ষ ন্যায়ালয়ে কৈছিল যে পতঞ্জলি আয়ুৰ্বেদক প্ৰতিনিধিত্ব কৰা অধিবক্তাই আদালতক আশ্বাস দিছিল যে এতিয়াৰ পৰা কোনো আইন উলংঘা নহ’ব।

পতঞ্জলি আয়ুৰ্বেদে আদালতত কৈছিল যে নিৰ্মিত আৰু বজাৰত বিক্ৰী কৰা সামগ্ৰীৰ বিজ্ঞাপন বা ব্ৰেণ্ডিঙৰ সৈতে জড়িত কোনো আইন উলংঘা কৰা নহ’ব।

কোম্পানীটোৱে নিৰ্দিষ্ট আশ্বাস আৰু পৰৱৰ্তী সময়ত সংবাদ মাধ্যমত দিয়া বক্তব্যসমূহ মানি নচলাৰ বাবে শীৰ্ষ আদালতখন ক্ষুব্ধ হৈ পৰিছিল। ইয়াৰ পিছত আদালতে কোম্পানীটোক কাৰণ দৰ্শোৱাৰ জাননী জাৰি কৰে যে তেওঁলোকৰ বিৰুদ্ধে কিয় অৱজ্ঞাৰ গোচৰ আৰম্ভ কৰিব নালাগে।