আজি বিশ্ব মটৰ চাইকেল দিৱস৷ বিশ্ব মটৰচাইকেল দিৱস উপলক্ষে আজি গোৰেশ্বৰত সজাগতামূলক বাইক ৰেলী উলিয়াই শতাধিক যুৱকে। যুৱ সমাজকৰ্মী কুলদ্বীপ ৰাজবংশীৰ উদ্যোগত উলিওৱা বাইক ৰেলী যোগে পথ সুৰক্ষাৰ প্ৰতি সচেতনতা আৰু দায়িত্বশীল হৈ বাইক চলনৰ বাৰ্তা প্ৰচাৰ কৰা হয়৷ গোৰেশ্বৰ চহৰৰ পুৰা উলিওৱা ৰেলীটোৱে ভাৰত-ভূটান সীমান্তলৈ পৰিভ্ৰমণ কৰে৷ দুৰ্ঘটনা ৰোধৰ বাৰ্তা লৈ গোৰেশ্বৰ-নাওকাটা পথত মটৰ চাইকেল ৰেলী উলিয়াই সজাগতা সৃষ্টিৰ প্ৰয়াস কৰে। ৰেলীৰ জড়িয়তে দ্ৰুত গতিত পথত বাইক চলাই বিভিন্ন সময়ত দুৰ্ঘটনা সংঘটিত হৈ বহুলোক মৃত্যু মুখত পৰাৰ লগতে বহুলোক ঘূণীয়া হৈ থাকিবলগীয়া হোৱা বিষয়টোক প্ৰাধান্য দিয়ে। গোৰেশ্বৰৰ যুৱ সমাজে এই কথাক সাৰোগত কৰি মটৰ চাইকেল দুৰ্ঘটনা ৰোধৰ বাবে ৰাইজৰ মাজত সজাগতা সৃষ্টি কৰে৷ লগতে যুৱ সমাজে যোগৰ জৰিয়তে সু-স্বাস্থ্যকৰ জীৱন শীৰ্ষক যোগাৰ আয়োজন কৰে৷ যোগ দিৱস আৰু বিশ্ব মটৰ চাইকেল দিৱসৰ দিনটোত যুৱ সমাজে গ্ৰহণ কৰা এই পদক্ষেপক ৰাইজে শলাগ লয়৷ আয়োজক যুৱ সমাজকৰ্মী কুলদ্বীপ ৰাজবংশীয়ে সাংবাদিকৰ মুখামুখি হৈ কয় যে যুৱ সমাজৰ সৈতে গঠনমূলক পদক্ষেপত অংশ লোৱাৰ সুযোগ পাই গৰ্বিত অনুভৱ কৰিছো৷ সামাজিক সজাগতা আৰু পথৰ সুৰক্ষাৰ ক্ষেত্ৰত এনে জনমুখী আয়োজনসমূহে বিশেষ ভূমিকা পালন কৰে। সকলোতকৈ মূল্যবান সম্পদ হৈছে জীৱন তথা মানৱ সম্পদ। সেয়েহে জীৱন ৰক্ষা কৰাটো প্ৰতিজন নাগৰিকৰ দায়িত্ব। ‘পথত নহয় প্ৰতিযোগিতা, জীৱনেই সৰ্ব্বোচ্চ’ ৰেলীৰ মুখ্য বাৰ্তা এয়াই আছিল বুলি ৰাজবংশীয়ে৷