ইংৰাজী নৱবৰ্ষৰ পহিলা দিনটোত গুৱাহাটী মহানগৰীত এগৰাকী যুৱতীৰ মৃতদেহ ৰহস্যজনক অৱস্থাত উদ্ধাৰ হৈছে৷ গুৱাহাটীত মহানগৰীৰ ৰাজগড়ত যুৱতীৰ মৃতদেহ ৰহস্যজনক অৱস্থাত উদ্ধাৰ হোৱাত হত্যা কৰাৰ সন্দেহ কৰা হৈছে৷ ইপিনে আন একাংশই আত্মহত্যা কৰাৰো সন্দেহ কৰিছে৷ যুৱতীগৰাকীৰ নাম পায়েল শইকীয়া৷ পায়েল শইকীয়াৰ মৃতদেহ ৰাজগড়ৰ ভাড়াঘৰত ৰহস্যজনক অৱস্থাত উদ্ধাৰ হৈছে৷ পায়েল শইকীয়াৰ ঘৰ গুৱাহাটীতে যদিও ৰাজগড়ত বান্ধৱীৰ সৈতে এটা ভাড়াঘৰত আছিল বুলি জানিব পৰা গৈছে৷ গুৱাহাটীৰ ছাত্ৰীবাৰীত ঘৰ পায়েলৰ৷ পায়েলে চানমাৰি এলেকাৰ ৰাজগড়ত এগৰাকী বান্ধৱীৰ সৈতে ভাড়াঘৰত আছিল৷ কিন্তু আজি দিনৰভাগত হঠাতে ভাড়াঘৰৰ এটা কোঠাত তেওঁৰ মৃতদেহ উদ্ধাৰ হয়৷