Brahmaputra Times
গুৱাহাটীৰ বান পৰিস্থিতিৰ মাজতে দুৰ্ঘটনাগ্ৰস্ত হয় কণ্ঠশিল্পী মৌচুমী চহৰীয়াৰ বাহন। বানৰ মাজতে গাড়ীৰ তলত পাইপ সোমাই বিকল হৈ পৰে কণ্ঠশিল্পীগৰাকীৰ বাহনৰ ইঞ্জিন।
জানিব পৰা মতে, বুধবাৰে মহানগৰীৰ বান পৰিস্থিতিৰ মাজতে জটিয়াত পথৰ দাঁতিত পেলাই থৈ দিয়া এডাল পাই পানীৰ সোঁতত উটি আহি মৌচুমী চহৰীয়াৰ গাড়ীৰ তলত সোমায়, যাৰ ফলত গাড়ীৰ ইঞ্জিন বিকল হৈ পৰে।
ইয়াৰ পিছতে ক্ৰেনৰ সহায়ত উদ্ধাৰ কৰি লৈ যোৱা হয় বাহনখন। অৱশ্যে দুৰ্ঘটনাটোত কোনো ধৰণৰ আঘাত পোৱা নাই কণ্ঠশিল্পীগৰাকীয়ে।
উল্লেখ্য যে, বুধবাৰে এজাক বৰষুণৰ পিছতে পুনৰ প্লাবিত হৈ পৰে গুৱাহাটীৰ বিভিন্ন অঞ্চল। গুৱাহাটীৰ হাতীগাঁও, জুৰিপাৰ(পাঞ্জাবাৰী), ৰুক্মিণীগাঁও আদি অঞ্চলত ক্ষন্তেকীয়া কৃত্ৰিম বানৰ সৃষ্টি হোৱাত পুনৰ স্তব্ধ হৈ পৰে জনজীৱন।
