বিষাক্ত হৈছে হিন্দী বোলছবি উদ্যোগ৷ যাৰ বাবে মই মুম্বাই এৰি গুছি আহিলো৷ এনদনে আক্ষেপ প্ৰকাশ কৰি হিন্দী বোলছবি জগতক বিদায় দিয়াপ ঘোষণা কৰিলে ছবি নিৰ্মাতা অনুৰাগ কাশ্যপে৷ অভিনেতা-চলচ্চিত্ৰ নিৰ্মাতা অনুৰাগ কাশ্যপে বলিউদ ত্যাগৰ ঘোষণা কৰিছে যদিও আৰু দক্ষিণৰ ছবি জগতত সক্ৰিয় হ’ব বুলি জানিব পৰা গৈছে৷ তেওঁৰ সিদ্ধান্তৰ আঁৰৰ কাৰণ বক্স অফিচৰ নম্বৰ অনুসৰণ কৰাৰ ‘বিষাক্ত’ সংস্কৃতিৰ কথা উল্লেখ কৰিছে। বাতৰি অনুসৰি, কাশ্যপে অধিক পৰিপূৰ্ণ আৰু সৃজনশীল অভিজ্ঞতাৰ বাবে বাংগালুৰুলৈ স্থানান্তৰিত হৈছে। যোৱা বছৰ এক সাক্ষাৎকাৰত কাশ্যপে প্ৰথমবাৰৰ বাবে বলিউদ উদ্যোগৰ প্ৰতি তেওঁৰ হতাশা ব্যক্ত কৰিছিল৷ তাৰ পিছতে বলিউদ ত্যাগ আৰু দক্ষিণৰ ছবি জগতত সক্ৰিয় হ’ব অনুৰাগ৷ মই চলচ্চিত্ৰৰ উদ্যোগৰ পৰা আঁতৰি থাকিব বিচাৰো। উদ্যোগটো অত্যাধিক বিষাক্ত হৈ পৰিছে। সকলোৱে অবাস্তৱ লক্ষ্যৰ পিছে পিছে গৈ আছে৷ পৰৱৰ্তী ৫০০ আৰু ৮০০ কোটি টকাৰ চলচ্চিত্ৰ নিৰ্মাণ কৰিবলৈ চেষ্টা কৰি আছে। সৃষ্টিশীল পৰিৱেশ নাইকিয়া হৈছে বুলি এক সাক্ষাৎকাৰত কয় অনুৰাগে৷ কেইবাখনো চৰ্চিত আৰু বহু জনপ্ৰিয় ছবি নিৰ্মাতা অনুৰাগ কাশ্যপে ছবি জগত এৰাৰ ঘোষণা কৰাত তীব্ৰ চাঞ্চল্যৰ সৃষ্টি হৈছে৷ কাশ্যপৰ প্ৰযোজনা প্ৰতিষ্ঠান অনুৰাগ কাশ্যপ ফিল্মছে প্ৰথম খন ছবি উড়ানে (২০১০) সফলতা লাভ কৰিছিল৷ ছবিখনৰ বাবে তেওঁক শ্ৰেষ্ঠ কাহিনী আৰু শ্ৰেষ্ঠ চিত্ৰনাট্যৰ ফিল্মফেয়াৰ বঁটা প্ৰদান কৰা হৈছিল। মুম্বাই কাটিং নামৰ চলচ্চিত্ৰখন পৰিচালনা কৰিছিল। থ্ৰিলাৰ দ্যাট গাৰ্ল ইন ইয়েলো বুটছ (২০১১) পৰিচালনা কৰে, দুটা খণ্ডৰ অপৰাধ চলচ্চিত্ৰ গেংছ অফ ৱাছেপুৰ (২০১২) মুক্তিৰ পিছতে ছবিজগতত খলকনি লগাইছিল৷ শ্ৰেষ্ঠ সংলাপৰ ফিল্মফেয়াৰ বঁটা লাভ কৰিছিল। ২০১৩ চনত তেওঁ দ্যাট ডে আফটাৰ এভৰিডে শীৰ্ষক ইভ টিজিং শীৰ্ষক এখন চুটি ছবি পৰিচালনা কৰে আৰু বম্বে টকিজ (২০১৩) নামৰ সংকলন চলচ্চিত্ৰখনৰ এটা খণ্ড পৰিচালনা কৰে। ২০১৩ চনত শ্ৰেষ্ঠ চলচ্চিত্ৰৰ বাবে বাফটা বঁটা আৰু জীৱনীমূলক নাটক শ্বাহিদৰ বাবে মনোনীত হোৱা দ্য লাঞ্চবক্স নামৰ এখন চলচ্চিত্ৰৰ সহ-প্ৰযোজনা কৰে। ২০১১ চনত কাশ্যপে আন এটা প্ৰযোজনা প্ৰতিষ্ঠান ফেণ্টম ফিল্মছ আৰম্ভ কৰি পিৰিয়ড ড্ৰামা লুটেৰা (২০১৩) নিৰ্মাণ কৰি ছবিজগতত সমৃদ্ধ কৰিছিল৷ মাছান, কুইন, ৰামন ৰাঘৱ আদি ছবি নিৰ্মাণত গুৰুত্বপূৰ্ণ ভূমিকা পালন কৰিছিল৷