আজি শিলচৰৰ ৰামকৃষ্ণ মিছন সেৱাশ্ৰমৰ শতবৰ্ষ উদযাপনত অংশ লৈ নতুন মন্দিৰ উদ্বোধন কৰে মুখ্যমন্ত্ৰী হিমন্ত বিশ্ব শৰ্মাই৷ দেশভক্ত তৰুণৰাম ফুকন উচ্চতৰ মাধ্যমিক বিদ্যালয়ৰ সোণালী জয়ন্তী উদযাপন কাৰ্যসূচীত অতিথি হিচাপে উপস্থিত থাকে মুখ্যমন্ত্ৰী৷ তৰুণৰাম ফুকন উচ্চতৰ মাধ্যমিক বিদ্যালয়ৰ সোণালী জয়ন্তীত ভাষণ দি হিমন্ত বিশ্ব শৰ্মাই অসমৰ বঙালী আৰু অসম ভাষীৰ মাজত উত্তেজনা আছিল যদিও আজি পাৰস্পৰিক সন্মানৰ পথ মুকলি হৈছে বুলি দাবী কৰে। তেওঁ কয় যে অসমত এটা সময় আছিল যেতিয়া বিভিন্ন কাৰণত বাংলা ভাষী আৰু অসমীয়া ভাষীৰ মাজত সংঘাত হৈছিল। অৱশ্যে, শেহতীয়া বছৰবোৰত প্ৰতিযোগিতাৰ পৰিৱৰ্তে, পাৰস্পৰিক সন্মানৰ বৃদ্ধি হৈছে বুলি দাবী কৰে৷ যাৰ ফলত এনে এক পৰিৱেশ সৃষ্টি হৈছে য’ত বাঙালী আৰু অসম ভাষী উভয়ে তেওঁলোকৰ সুবিধা আৰু পছন্দ অনুসৰি নিজ নিজ ভাষা ব্যৱহাৰ কৰিছে। ভাষাৰ দ্বাৰা ব্রহ্মপুত্র আৰু বৰাক উপত্যকাবাসীৰ মাজত সমন্বয়ৰ এক সাঁকো নির্মাণ হৈছে। ২০১৪ চনৰ পাছত মিটাৰগজৰ ঠাইত ব্রডগজ ৰে’ললাইন স্থাপনৰ পৰা শেহতীয়া বাংলা আৰু অসমীয়া ভাষাক ধ্রুপদী ভাষা হিচাপে পৰিচয় দি দুয়োটি ভাষাৰে স্বকীয়তা আৰু স্বতন্ত্রতাক সন্মান প্রদানেৰে প্রধানমন্ত্রী নৰেন্দ্র মোদী ডাঙৰীয়াই সমন্বয়ৰ সাঁকোক অধিক কটকটীয়া কৰে। নলবাৰীস্থিত গর্ডন উচ্চতৰ মাধ্যমিক বিদ্যালয় আৰু পাছত কামৰূপত ৰংমহল উচ্চতৰ মাধ্যমিক বিদ্যালয়ত অসমীয়াৰ লগতে ইংৰাজী ভাষাকো মাধ্যম হিচাপে প্রৱর্তন কৰাত তাৰ সুফল হিচাপে ছাত্র-ছাত্রীৰ সংখ্যা বৃদ্ধি হৈছে। প্রাসংগিকতাৰ প্রতি লক্ষ্য ৰাখি একেটা আর্হিকে আধাৰ কৰি বৰাক উপত্যকাৰ শিক্ষানুষ্ঠানৰ পৰা লাভ কৰা আবেদন মর্মে বৰাকৰ শিক্ষানুষ্ঠানত বাংলা ভাষাৰ লগতে ইংৰাজী ভাষাকো মাধ্যম হিচাপে ব্যৱহাৰৰ কথা আমি ভাবিছো। প্ৰধানমন্ত্ৰী নৰেন্দ্ৰ মোদীয়ে শেহতীয়াকৈ বাঙালী আৰু অসমীয়া দুয়োকে ধ্ৰুপদী ভাষাৰ মৰ্যাদা দিয়াৰ সিদ্ধান্তই ৰাজ্যখনত ভাষাক লৈ হৈ অহা উত্তেজনা হ্ৰাস কৰিছে। প্ৰধানমন্ত্ৰীৰ এই সিদ্ধান্তৰ পিছত ভাষাসমূহৰ উৎপত্তি সন্দৰ্ভত বৌদ্ধিক চক্ৰৰ মাজত আলোচনাই এক নতুন ৰূপ লৈছে। বাঙালী আৰু অসমবাসীৰ মাজত সংঘাত হ্ৰাস পাইছে। শৰ্মাই আৰু কয় যে সেই দিনবোৰ গ’ল যেতিয়া ব্ৰহ্মপুত্ৰ উপত্যকা আৰু বৰাক উপত্যকাৰ লোকসকলৰ মাজত অসন্তুষ্টি আছিল। আমাৰ চৰকাৰে দুয়োটা অঞ্চলতে সমান বিকাশ নিশ্চিত কৰিছে আৰু অসমীয়া আৰু বাংলা দুয়োটাকে ধ্ৰুপদী ভাষাৰ মৰ্যাদা লাভ দিয়াত দুয়োটা সম্প্ৰদায়ে সমান সন্মান লাভ কৰিছে। শিলচৰত দেশভক্ত তৰুণ ৰাম ফুকন উচ্চতৰ মাধ্যমিক বিদ্যালয়ৰ বাৰ্ষিকী অনুষ্ঠানত মুখ্যমন্ত্ৰীয়ে শিক্ষাৰ আধুনিকীকৰণ, কৃত্ৰিম বুদ্ধিমত্তা, ইণ্টাৰনেট অৱ থিংছ আৰু ঔদ্যোগিক দক্ষতাৰ নতুন পাঠ্যক্ৰম ঘোষণা কৰে। মুখ্যমন্ত্ৰীয়ে লগতে কয় যে দেশভক্ত তৰুণৰাম ফুকন ভাৰতৰ স্বাধীনতা আন্দোলনৰ ইতিহাসত এক চিৰনমস্য ব্যক্তিসত্তা।