স্বাস্থ্যমন্ত্ৰী অশোক সিংহলে এইবাৰ চিকিৎসালয়ৰ দৰৱক লৈ চমক দিবলৈ আৰম্ভ কৰিছে৷ চৰকাৰী চিকিৎসকক স্বাস্থ্যকেন্দ্ৰ আৰু হাস্পতালৰ বাবে অনুমোদিত অত্যাৱশ্যকীয় ঔষধৰ তালিকাৰ জেনেৰিক ঔষধহে প্ৰেছক্ৰাইব কৰিবলৈ নিৰ্দেশ দিছে৷ যদি ৰোগীক হাস্পতালত মজুত নথকা দৰৱ লিখে তেন্তে অভিযোগ দিবলৈ এটা হেল্পলাইন নম্বৰ মুকলি কৰিছে৷ মন্ত্ৰীগৰাকীয়ে সংবাদমাধ্যমত মন্তব্য দি কৈছিল যে এতিয়াৰে পৰা চৰকাৰী চিকিৎসকে চিকিৎসালয়ত মজুত থকা দৰৱৰ নাম লিখিব লাগিব। প্ৰেচক্ৰিপচনত চৰকাৰী চিকিৎসকে লিখিব নোৱাৰিব চিকিৎসালয়ত মজুত নথকা দৰৱ। চিকিৎসকে মজুত নথকা দৰৱ লিখিলে ৰোগী তথা আত্মীয়ই অভিযোগ দাখিল কৰিব পৰিব। এই কথা ঘোষণা কৰি ৰাজহুৱা নিৰ্দেশনা প্ৰদান কৰাৰ লগতে ১৫ ফেব্ৰুৱাৰীৰ নিৰ্দেশনা কাৰ্যকৰী কৰিব বুলি কৈছিল স্বাস্থ্য মন্ত্ৰীগৰাকীয়ে৷