গোৱালপাৰা জিলাৰ এগৰাকী বন বিষয়াক চাকৰিৰ পৰা নিলম্বন কৰাৰ ঘটনাই চাঞ্চল্যৰ সৃষ্টি কৰিছে৷ বন বিভাগৰ চাকিৰটোক ধন ঘটনাৰ আহিলে হিচাপে ব্যৱহাৰ কৰা বুলি অভিযোগ উত্থাপিত ৰেঞ্জাৰ আতাউৰ হক ইছলামক নিলম্বন কৰিছে বিভাগটোৱে৷ ৰেঞ্জাৰ আতাউৰ হক ইছলামৰ বিৰুদ্ধে নানা অভিযোগ উত্থাপন হৈ অহাৰ মাজতে এইবাৰ বক্ৰ পথেৰে খনন মাফিয়াক প্ৰস্তাৱিত সংৰক্ষিত বনাঞ্চলত খননৰ অনুমতি দিয়াৰ অভিযোগ উত্থাপন হৈছিল৷ আতাউৰ হক ইছলামৰ বিৰুদ্ধে বিভাগৰ নীতি-নিৰ্দেশনা নামনি ৰক্ষিত বনাঞ্চলৰ ভূমি অবৈধভাৱে খনন চলাবলৈ অনুমতি দিয়াৰ লগতে ভুৱা ছীল তৈয়াৰ কৰি অনুমতি পত্ৰত লগোৱাৰ অভিযোগ উঠিছে৷ জানিব পৰা মতে, কৃষ্ণাইৰ মধ্য আঞ্চলিক বন বিষয়া কাৰ্যালয়ত ডেপুটি ৰেঞ্জাৰ হিচাপে কৰ্মৰত আতাউৰ হক ইছলাম৷ ইছলামৰ এলেকাত কৃষ্ণাইৰ নদীপৰীয়া আৰু বনভূমিত খনন কৰাৰ বিভাগীয় অনুমতি দিয়া হৈছিল খনন মাফিয়াক৷ খনন মাফিয়াই খনন কৰি থকা এলেকা আছিল সংৰক্ষিত বনাঞ্চল৷ অভিযোগৰ ভিত্তিত বিভাগীয় তদন্ত চলাই বন বিভাগৰ নীতি-নিৰ্দেশনা উলংঘা হোৱাত চাকৰিৰ পৰা নিলম্বন কৰা হয় ইছলামক। ইছলামে যি ঠাইত খননৰ অনুমতি দিছিল সেই ঠাই আছিল প্ৰস্তাৱিত সংৰক্ষিত বনাঞ্চল৷ সংৰক্ষিত বনাঞ্চলৰ ভূমি অবৈধভাৱে খনন চলাবলৈ দিয়া অনুমতিৰ বাবে আৰু নিজে ছীল তৈয়াৰ কৰি ব্যৱহাৰ কৰাৰ অভিযোগত চাকৰিৰ পৰা ইছলামক নিলম্বন কৰা হয়।