গুৱাহাটী মহানগৰীৰ সাতগাঁৱৰ পৰা সন্ধানহীন এজন নাবালকক উদ্ধাৰ কৰিবলৈ সক্ষম হৈছে নুনমাটি আৰক্ষী। কামাখ্যা ৰেল ষ্টেচনৰ ওচৰত বঁটল বুটলি থকা অৱস্থাত উদ্ধাৰ কৰা হয় ছাত্ৰজন৷ ছাত্ৰ জনৰ নাম প্ৰকাশ দাস বুলি জানিব পৰা গৈছে। যোৱা শনিবাৰে পাথৰকুৱাৰীস্থিত বিদ্যালয়ৰ পৰা ঘৰলৈ আহি থকা সময়তে ছাত্ৰজন নিৰ্দেশ হৈছিল। পৰিয়ালৰ লোকে অপহৰণৰ সন্দেহ প্ৰকাশ কৰি আৰক্ষী থানাত এজাহাৰ দাখিল কৰিছিল। বিষয়টোক গুৰুত্বসহকাৰে লৈ নুনমাটি আৰক্ষীয়ে তদন্ত আৰম্ভ কৰি বিভিন্ন স্থানত অভিযান চলাইছিল। অৱশেষত, মহানগৰীৰ কামাখ্যা ৰেল ষ্টেচনৰ ওচৰত ছাত্ৰজনক উদ্ধাৰ কৰে আৰক্ষীয়ে। আৰক্ষীৰ প্ৰাথমিক অনুসন্ধানত ছাত্ৰজনেও স্বীকাৰ কৰে যে, পঢ়া-শুনাত মন নথকাৰ বাবে ঘৰৰ পৰা পলাই আহিছিল। আত্মীয়ৰ ঘৰলৈ যোৱাৰ পৰিকল্পনা আছিল যদিও, ধনৰ বাবে কামাখ্যাৰ ওচৰত দিনকটাই কাম কৰি আছিল তেওঁ। পৰিয়ালৰ সৈতে যোগাযোগ স্থাপন কৰি আৰক্ষীয়ে ছাত্ৰজনক তেওঁলোকৰ জিম্মালৈ দিয়ে। ঘটনাটোৱে সামাজিক আৰু মানসিক বিকাশৰ ক্ষেত্ৰত ছাত্ৰসকলৰ উপযুক্ত সহায় আৰু পৰামৰ্শৰ প্ৰয়োজনীয়তা প্ৰকাশ কৰে।