মাজুলীত ব্ৰহ্মপুত্ৰৰ বুকুত পুনৰ সংঘটিত হৈছে ফেৰী দুৰ্ঘটনা৷ মা কামাখ্যা নামৰ ফেৰীখনে শিশু, মহিলাসহ শতাধিক যাত্ৰী আৰু বহু সংখ্যক দুচকীয়া বাহন কঢ়িয়াই নি থকাৰ সময়তে ৰাখি থোৱা জাহাজত তীব্ৰ গতিত খুন্দা মাৰে৷ নিয়ন্ত্ৰণ হেৰুৱাই খুন্দা মৰাৰ ফলত যাত্ৰীৰ মাজত হাহাকাৰ লাগে৷ কিন্তু কোনো যাত্ৰী ফেৰীৰ পৰা সৰি নপৰাত জীৱন ৰক্ষা পৰে৷ জানিব পৰা মতে, আজি দিনৰ প্ৰায় ১২ বাজি ৪৫ মিনিটত নিমাতীঘাটৰ পৰা মাজুলী অভিমুখে গৈ আছিল ফেৰী মা কামাখ্যা৷ ফেৰীখনে ৰৈ থকা এখন জাহাজত প্ৰচণ্ড জোৰত খুন্দা মাৰে। প্রচণ্ড খুন্দাত ফেৰীৰ ওপৰতে বাগৰি পৰিল দুচকীয়া বাহনসমূহ। ফলত ভিতৰত থকা যাত্ৰীসকলৰ মাজত হাহাকাৰ লাগে। কোনো যাত্ৰী হতাহত হোৱা নাই৷ অন্য এখন ফেৰীৰে উদ্ধাৰ কৰে যাত্ৰীসকলক।