আম আদমী পাৰ্টীৰ ভাতৃ সংগঠন যুৱ শক্তিয়ে আকাশলংঘী মূল্যবদ্ধিৰ বিৰুদ্ধে মহানগৰী গণেশগুৰিত আজি প্ৰতিবাদ সাব্যস্ত কৰে৷ বেনাৰ-পোষ্টাৰ হাতত লৈ চৰকাৰ বিৰোধী শ্ল’গানেৰে আপৰ নেতা-কৰ্মীয়ে উত্তাল পৰিৱেশৰ সৃষ্টি কৰে৷ গণেশগুৰিত সমৱেত হৈ আপৰ কেইবা শতাধিক নেতা-কৰ্মীয়ে সচিবালয় অভিমুখে যাত্ৰা কৰাবলৈ উদ্যয় হয় যদিও আৰক্ষী বাধা দিয়ে৷ সেই সময়তে আৰক্ষীৰে হতা-হতি লাগে আপৰ নেত-কৰ্মী৷ আৰক্ষীয়ে বেনাৰ-পোষ্টাৰ কাঢ়ি নিব খোজাত উত্তপ্ত পৰিস্থিতিৰ সৃষ্টি হয়। আপৰ নেতা-কৰ্মীক উৰণীয়া সেঁতুৰ তলত আৱদ্ধ কৰে। মূল্যবৃদ্ধি ৰোধ কৰক, স্মাৰ্ট মিটাৰ প্ৰত্যাহাৰ কৰক, ঔষধৰ দাম বৃদ্ধি প্ৰত্যাহাৰ কৰি শ্ল’গান দি পৰিৱেশ উত্তাল কৰি তোলে। আপৰ ৰাজ্যিক সভাপতি মনোজ ধানোৱাৰৰ উপস্থিতিত প্ৰতিবাদ সাব্যস্ত কৰি অসমৰ ৰাইজ মূল্যবৃদ্ধিত অতিষ্ঠ হোৱা বুলি কৈ ৰাজ্য চৰকাৰ মূল্যবৃদ্ধি ৰোধত বিফল হোৱা বুলি অভিযোগ আনে৷ জীৱন দায়িনী ঔষধ, শাক-পাচলি মানুহে কিনি খাব নোৱৰাৰ সময়তে স্মাৰ্ট মিটাৰে সাধাৰণ মানুহক মাধমাৰ শোধোৱা বুলি অভিযোগ আনে ধানোৱাৰে৷ মনোজ ধানোৱাৰৰ কয় যে সামগ্ৰীৰ দাম বৃদ্ধিয়ে ৰাইজ অতিষ্ঠ৷ বিজেপি চৰকাৰে ৰাইজৰ কোনো সমস্যা সমাধান কৰিব পৰা নাই। চৰকাৰী হাস্পতালৰ মাচুল, জীৱন দায়িনী ঔষধৰ আকাশলংঘী মূল্যবৃদ্ধিত ৰোগীসকলে চিকিৎসা সেৱা গ্ৰহণ কৰিব পৰা নাই। শীঘ্ৰে আদানী গোটৰ স্মাৰ্ট মিটাৰ প্ৰত্যাহাৰ কৰি পূৰ্বৰ মিটাৰ লগোৱাৰ দাবী জনায়।