থাইলেণ্ডত সংঘটিত হৈছে মৰ্মান্তিত ঘটনা৷ এখন ছাত্ৰ-ছাত্ৰী আৰু শিক্ষক ভৰ্তি বাছ অগ্নিদগ্ধ হৈ ২৫ ছাত্ৰ আৰু শিক্ষকৰ মৃত্যু হৈছে৷ মৃত্যু হোৱা লোকৰ ভিতৰত ৫জন শিক্ষক আৰু বাকীখিনি ছাত্ৰ৷ শিক্ষাৰ্থীসহ বাছখনত আছিল মুঠ ৪৪ জন লোক৷ ১৬ জন লোকৰ প্ৰাণ ৰক্ষা পৰিছে৷ ১৬ জনক চিকিৎসালয়ত ভৰ্তি কৰি চিকিৎসা কৰা থকা হৈছে৷ শিক্ষামূলক ভ্ৰমণলৈ গৈ থকাৰ সময়তে তীব্ৰ বাছখনত আকস্মিক অগ্নিকাণ্ড সংঘটিত হয়৷ জানিব পৰা মতে, থাইলেণ্ড উপনগৰীয় বেংককত শোকাৱহ অগ্নিকাণ্ড সংঘটিত হয়। মঙলবাৰে, বাছখন উথাই থানি প্ৰদেশৰ ৱাট খাও ফ্ৰায়া চাংখাৰাম স্কুলৰ পৰা আয়ুথায়া আৰু নন্থাবুৰি প্ৰদেশলৈ গৈ আছিল।সেই সময়তে টায়াৰ বিস্ফোৰণ হৈ অগ্নিকাণ্ড সংঘিট হয়৷ বাছখনৰ টায়াৰফাটি দেৱালত খুন্দা মাৰিছিল। চিএনজি দ্বাৰা চালিত বাছখন দুৰ্ঘটনাৰ ফলত টেংকীত জুই জ্বলিছিল। অতি কময় সময়ৰ ভিতৰতে সমগ্ৰ বাছখনক জুয়ে আৱৰি ধৰাত ইমানখিনি লোকৰ প্ৰাণ যায়৷ থাইলেণ্ডৰ প্ৰধানমন্ত্ৰী পেটংটাৰ্ণ চিনাৱাট্ৰাই পীড়িতসকলৰ পৰিয়ালৰ প্ৰতি গভীৰ সমবেদনা জ্ঞাপন কৰি চিকিৎসা ব্যয় বহন কৰাৰ আৰু ক্ষতিগ্ৰস্ত লোকসকলক ক্ষতিপূৰণ আগবঢ়োৱাৰ প্ৰতিশ্ৰুতি দিয়ে।