লাহোৱালঃ ডিব্ৰুগড় জিলাৰ ঐতিহ্যমণ্ডিত শ্ৰীশ্ৰীঅনিৰুদ্ধদেৱ কনিষ্ঠ মহাবিদ্যালয়ত বিশেষ সভা অনুষ্ঠিত হয়৷ ডিব্ৰুগড় জিলা সাক্ষৰতা মিছন কৰ্তৃপক্ষ আৰু শ্ৰীশ্ৰীঅনিৰুদ্ধদেৱ কনিষ্ঠ মহাবিদ্যালয়ৰ উদ্যোগত আন্তৰ্জাতিক সাক্ষৰতা সপ্তাহৰ সৈতে সংগতি ৰাখি সজাগতামূলক সভা অনুষ্ঠিত হয়৷ অধ্যক্ষ ভূষণজ্যোতি সন্দিকৈৰ পৌৰহিত্যত অনুষ্ঠিত সজাগতা সভাত মহাবিদ্যালয়ৰ ছাত্ৰ-ছাত্ৰী আৰু শিক্ষক-শিক্ষয়িত্ৰী, জিলা সমন্বয়ক হেমন্ত হাজৰিকা আৰু সমন্বয়ক অনিল প্ৰসাদ সিংহ উপস্থিত থাক৷ সমল ব্যক্তি হেমন্ত হাজৰিকাই পৃথিৱীত ১২ শতাংশ লোক এতিয়াও অশিক্ষিত হৈ আছে আৰু ৬০.৭ নিযুত শিশু এতিয়াও স্কুললৈ নোযোৱাকৈ আছে বুলি চিন্তা ব্যক্ত কৰে৷ সভাত বক্তব্য ৰাখি অনিল প্ৰসাদ সিংহই কয় যে আমি প্ৰতেক্যেই সাক্ষৰতা কাৰ্যসূচীত প্ৰত্যক্ষ বা পৰোক্ষভাৱে অংশ গ্ৰহণ কৰিব পাৰো৷ নিজৰ প্ৰতিবেশী বা চুবুৰীয়া নিৰক্ষৰ লোকক আমি সাক্ষৰসকলে ব্যস্ততাৰ মাজতো অকণমান সময় উলিয়াই সাক্ষৰতাৰ ক্ষেত্ৰত অৰিহণা যোগাব পাৰো৷ বিশেষকৈ ছাত্ৰ-ছাত্ৰীসকলে এই ক্ষেত্ৰত বিশেষ ভূমিকা পালন কৰিব লাগে বুলি তেখেতে বক্তব্যত উল্লেখ কৰে৷

বৰ্তমান ভাৰতবৰ্ষৰ সাক্ষৰতাৰ হাৰ ৭৭.৭ শতাংশ আৰু অসমৰ শিক্ষিতৰ হাৰ ৭২.১৯ শতাংশ৷ এনে পৰিস্থিতিৰ পৰিপ্ৰেক্ষিততে ভাৰত চৰকাৰে ২০২২ চনৰ ৰ এপ্ৰিলৰ পৰা ২০২৭ চনৰ ৩১ মাৰ্চলৈ পাঁচবছৰৰ বাবে ১০০ শতাংশ সাক্ষৰতা লাভৰ লক্ষ্যৰে নতুন শিক্ষানীতি-২০২০ অনুসৰি ‘উল্লাস’ শীৰ্ষক এখন আঁচনি প্ৰস্তুত কৰিছে৷ এই আঁচনিৰ অধীনত ‘নৱ ভাৰত সাক্ষৰতা কাৰ্যসূচী’ ৰূপায়ন কৰিছে৷ অসমৰ সকলো জিলাৰ লগতে ডিব্ৰুগড় জিলাত ‘নৱ ভাৰত সাক্ষৰতা কাৰ্যসূচী’ৰ দ্বাৰা ১ ছেপ্তেম্বৰৰ পৰা ৮ ছেপ্তেম্বৰলৈ আন্তৰ্জাতিক সাক্ষৰতা সপ্তাহ পালন কৰি থকা হৈছে৷ হাবিদ্যালয়ৰ ইংৰাজী বিভাগৰ শিক্ষয়িত্ৰী চাবিনা নাচিফা আহমেদে আঁতধৰা সভাত উপস্থিত থকা সকলোকে ডিব্ৰুগড় জিলা সাক্ষৰতা মিছন কৰ্তৃপক্ষ আৰু শ্ৰীশ্ৰীঅনিৰুদ্ধদেৱ কনিষ্ঠ মহাবিদ্যালয় কৰ্তৃপক্ষই ধন্যবাদ জ্ঞাপন কৰে৷