আজি সাংবাদিক দিলোৱাৰ হুছেইন মজুমদাৰৰ গ্ৰেপ্তাৰৰ বিৰুদ্ধে দুই বিৰোধী দল কংগ্ৰেছ আৰু ৰাইজৰ দলে প্ৰতিবাদ সাব্যস্ত কৰিছে৷ দিলোৱাৰ হুছেইন মজুমদাৰক ৰাজ্য চৰকাৰে গ্ৰেপ্তাৰ কৰি স্বেচ্ছাচাৰিতাৰ প্ৰমাণ দিয়া বুলি অভিযোগ উত্থাপন কৰি সাংবাদিকজনক শীঘ্ৰে মুকলি কৰি দিয়াৰ দাবী জনাই দুয়োটা ৰাজনৈতিক দলে আজি ৰাজ্যৰ বিভিন্ন ঠাইত প্ৰতিবাদ সাব্যস্ত কৰে৷ কংগ্ৰেছ দলে গুৱাহাটীৰ ৰাজীৱ ভৱনত মুখ্যমন্ত্ৰী হিমন্ত বিশ্ব শৰ্মাৰ পুত্তিলাক দাহ কৰি প্ৰতিবাদ সাব্যস্ত কৰে৷ হাত হাতে বিভিন্ন শ্ল’গান লিখা বেনাৰ-পোষ্টাৰ লৈ কংগ্ৰেছৰ নেতা-নেত্ৰীসকলে ৰাজীৱ ভৱনৰ ভিতৰত প্ৰতিবাদ সাব্যস্ত কৰে৷ জ্যেষ্ঠ নেতা বিপুল কুমাৰ গগৈ, জ্যেষ্ঠ নেত্ৰী ববিতা শৰ্মা, বিধায়িকা শিৱামণি বৰাসহ কেইবাগৰাকী জ্যেষ্ঠ নেতা-কৰ্মীৰ উপস্থিতিত আজি কংগ্ৰেছে মুখ্যমন্ত্ৰী ড০ শৰ্মাৰ পুত্তলিকা দাহ কৰে৷ সাংবাদিকৰ স্বাধীনতা অক্ষুন্ন ৰাখক, গণতন্ত্ৰৰ চতুৰ্থ স্তম্ভত আঘাত মানি লোৱা নহ’ব, একনায়কত্ববাদৰ অন্ত হওক, অসমক নিঃশেষ কৰাৰ ষড়যন্ত্ৰ বন্ধ কৰক, গণতন্ত্ৰৰ প্ৰতি এই ভাবুকি ওফৰাই পেলাম আদি শ্ল’গানেৰে প্ৰতিবাদ সাব্যস্ত কৰে৷ অসম প্ৰদেশ কংগ্ৰেছ কমিটীৰ অন্তৰ্গত গুৱাহাটী মহানগৰ কমিটীয়ে প্ৰতিবাদ সাব্যস্ত কৰি ৰাজীৱ ভৱনত মুখ্যমন্ত্ৰী হিমন্ত বিশ্ব শৰ্মাৰ পুত্তলিকা দাহ কৰে কংগ্ৰেছৰ নেতা-কৰ্মীসকলে। তদ্ৰুপ কংগ্ৰেছৰ যোৰহাট জিলা, পশ্চিম কাৰ্বি আংলং জিলাকে ধৰি কেইবা ঠাইত কংগ্ৰেছে প্ৰতিবাদ সাব্যস্ত কৰি দিলোৱাৰ হুছেইন মজুমদাৰৰ গ্ৰেপ্তাৰৰ বিৰোধ কৰে৷ অসম প্ৰদেশ কংগ্ৰেছৰ সাংগঠনিক সাধাৰণ সম্পাদক বিপুল গগৈয়ে শীঘ্ৰে দিলোৱাৰ হুছেইনৰ গ্ৰেপ্তাৰৰ বিৰোধ কৰি শীঘ্ৰে তেওঁক মুকলি কৰি দিয়াৰ দাবী উত্থাপন কৰে৷ জ্যেষ্ঠ নেত্ৰী ববিতাই শৰ্মাই কয় যে দিলোৱাৰ হুছেইন মজুমদাৰে তেওঁ সাংবাদিক তেওঁ তেওঁৰ কৰ্তব্য পালন কৰিবলৈ গৈছিল৷ তেওঁ কৰ্তব্যপালন কৰি এপেক্স বেংকৰ যি দুৰ্নীতি সেই দুৰ্নীতিৰ বাতৰি কৰিবলৈ গৈছিল৷ বেংকৰ মানুহজনে তেওঁক নিজেই মাটি পঠিয়াইছিল৷ তাৰ বাবে কিয় তেওঁক গ্ৰেপ্তাৰ কৰিলে? যাক লৈ আজি গোটেই অসম তোলপাৰ লাগিছে৷