Brahmaputra Times
স্বাধীনতা দিৱসৰ উদযাপনৰ মাজতে ৰাজ্যজুৰি বোমাতংক।
ৰাজ্যৰ ১৯ টা স্থানত বোমা সংস্থাপনৰ দাবী আলফা স্বাধীনৰ।
ৰাজ্যৰ ভিন্ন স্থানত বোমা সংস্থাপনৰ বিষয়ে ইমেইল যোগে অৱগত কৰিলে আলফা স্বাধীনে।
এই বোমা নিষ্ক্ৰিয় কৰাৰ বাবে সহযোগিতা আহ্বান জনাইছে নিষিদ্ধ সংগঠনটোৱে।
শিৱসাগৰৰ ডি টি অ’ অফিচৰ এখন পৰিত্যক্ত পুৰণি গাড়ীত আছে বোমা।
শিৱসাগৰৰ বি জি ৰোড অ এন জি চিৰ ৫নং গেট পাৰ হৈ পথৰ কাষত থকা এখন পুৰণি এম্বুলেন্সত সংস্থাপিত কৰা হৈছো বোমা।
লাকুৱা তিনিআলিৰ থানাৰ সমীপতো সংস্থাপিত বোমা।
অসম ৰাজ্যিক পৰিবহণ নিগম ডিব্ৰুগড়ৰ এখন পুৰণি বাছত আছে বোমা।
লখিমপুৰ আৰক্ষী অধীক্ষকৰ কাষৰ পেৰেড গ্ৰাউণ্ডত থকা এন এইচ পি চিৰ এখন গাড়ীত সংস্থাপিত বোমা।
বোমা সংস্থাপন কৰা হৈছে আই বিৰ সমীপৰ লালুক দৈনিক বজাৰতো।
বৰঘাট আৰক্ষী চকীৰ সমীপত গছ-লতাৰে আৱৰি থকা এখন পুৰণি গাড়ীত।
নগাঁও মেডিকেল কলেজলৈ যোৱা পথত আদিত্য হাস্পতাল পোৱাৰ পূৰ্বে ইটা ভাটাৰ সমীপত মাটিত পুতি থোৱা আছে বোমা।
দিছপুৰ লাষ্টগেটৰ বিপৰীতে থকা মুকলি মাটিখিনতো পুতি থোৱা আছে বোমা
গান্ধী মণ্ডপলৈ উঠা পথটোৰ বাওফালে থকা ট্ৰেন্সফৰ্মাৰ বাকচৰ ভিতৰতো আছে বোমা।
নাৰেংগী আৰ্মী কেম্পলৈ যোৱা পথত পোৱা চি ডি এ গেটৰ সমীপত মাটিত পুতি থোৱা আছে বোমাটো।
পানবজাৰৰ ব্ৰহ্মপুত্ৰ উদ্যোগ পাৰ হৈ পোৱা ঘুমটি খনৰ তলত পুতি থোৱা আছে আন এটা বোমা।
বোমা আছে যোৰাবাট উৰণীয়া সেতুৰ সমীপতো।
ভেটাপাৰা, মালিগাঁও, ৰাজগড়তো বোমা পুতি ৰাখিছিল নিষিদ্ধ সংগঠনটোৱে।
নলবাৰীৰ পুৰণা মেডিকেললৈ সোমোৱা পথটোৰ সমীপত থকা এখন পুৰণা এম্বুলেন্সত সংস্থাপিত কৰা হৈছিল বোমা।
ৰঙিয়া-তামুলপুৰ পথৰ গোৰেশ্বৰ চ’কৰ এছ বি আই ৱেলকাম বোৰ্ডখন পাৰ হৈয়ে পোৱা প্ৰথম দোকানখনৰ কাষৰ খালী ঠাইখিনিত আছে বোমা।
