৩০ ছেপ্টেম্বৰ সোমবাৰে সন্ধিয়া হঠাৎ স্বাস্থ্যৰ অৱনতি ঘটাত ছুপাৰষ্টাৰ ৰজনীকান্তক চিকিৎসালয়ত ভৰ্তি কৰোৱা হয়। চেন্নাইৰ এপ’ল’ হাস্পতালত চিকিৎসাধীন হৈ আছে অভিনেতাগৰাকী। মঙলবাৰে কেথ লেবত তিনিজন বিশেষজ্ঞ চিকিৎসকৰ এটা দলে হৃদযন্ত্ৰ সম্পৰ্কীয় প্ৰক্ৰিয়া সম্পন্ন কৰে। ৰজনীকান্তৰ তল পেটত ষ্টেণ্ট লগোৱাৰ খবৰ লাভ কৰা হৈছে। তেওঁ কিছুদিন হাস্পতালতে থাকিব লাগিব বুলি চিকিৎসকে জনায়।
বৰ্তমান তেওঁৰ অৱস্থা সুস্থিৰ বুলি বিশেষ সূত্ৰই প্ৰকাশ কৰিছে। তামিলনাডুৰ মুখ্যমন্ত্ৰী এম কে ষ্টেলিনে ৰজনীকান্তৰ আশু আৰোগ্য কামনা কৰিছে।

৭৬ বছৰীয়া ৰজনীকান্ত বৰ্তমান দুখন ডাঙৰ চিনেমাৰ কামত ব্যস্ত – পৰিচালক জ্ঞানভেল ৰাজাৰ ‘ভেট্টাইয়ান’, যিখন ১০ অক্টোবৰত মুক্তি পাব, আৰু লোকেশ কানাগৰাজৰ ‘কুলি’।