ৰাইজৰ দলৰ সভাপতি অখিল গগৈয়ে ২০২৬ চনত চৰকাৰ গঠন কৰাৰ দাবী, ২৬ বিধায়ক জয়ী কৰোৱাৰ দাবী কৰি আহিছে৷ আজিলৈ সম্পূৰ্ণকৈ এটাও বিধানসভা নিৰ্বাচনত পূৰ্ণাংগভাৱে নিৰ্বাচন খেলাৰ অভিজ্ঞতা নথকা অখিল গগৈয়ে বাৰে বাৰে ২০২৬ চনত চৰকাৰ গঠনৰ ঘোষণা কৰি আহিছে৷ ইপিনে একেইগৰাকী অখিল গগৈয়ে শেহতীয়াকৈ বিজেপি তথা মুখ্যমন্ত্ৰীৰ বিৰুদ্ধে নৰম স্থিতি গ্ৰহণ কৰাৰ গুৰুতৰ অভিযোগ উত্থাপন হৈ আহিছে৷ অসমীয়া হিন্দু অধ্যূষিত বিধানসভা সমষ্টিৰ পৰিৱৰ্তে মুছলমান অধ্যূষিত সমষ্টিত ব্যাপকহাৰত প্ৰচাৰ কৰি অহাত অখিল গগৈয়ে বিৰোধীৰ ভোট ভাঙি বিজেপিক যিকোনো প্ৰকাৰে সহায় কৰিব খোজা বুলি অভিযোগৰ মাজতে আজি অখিল গগৈয়ে পুনৰ বিস্ফোৰণ ঘটাইছে৷ কংগ্ৰেছে ২০ খন আসন এৰি দিলেহে মিত্ৰতা কৰা হ’ব বুলি ঘোষণা কৰিছে৷ কংগ্ৰেছে যদি আমাৰ এই দাবী মানি নলয় তেন্তে আমি ১২৬টা সমষ্টিত প্ৰাৰ্থী সাজু কৰিছো৷ আমি ২০ খন আসন বিচাৰিব খুজিছো আৰু ২০ আসনত যাতে বিধায়ক জয়ী কৰি আনিব পাৰো তাৰ আশা কৰিছো৷ এআইইউডিএফ দলক কংগ্ৰেছৰ সৈতে চামিল হ’বলৈ আহ্বান জনাইছে অখিল গগৈয়ে৷ আজি গুৱাহাটীৰ এটা ব্যক্তিগত খণ্ডৰ ছেটেলাইট চেনেলক দিয়া সাক্ষাৎকাৰত এই আহ্বান জনাইছে অখিল গগৈয়ে৷ অখিল গগৈয়ে বদৰুদ্দিন আজমলক হি’ৰ থাকিবলৈ আহ্বন জনাই কয় যে যদি এআইইউডিএফ দল নিজে নিজে ধ্বংস হৈ তেতিয়া বদৰুদ্দিন আজমল ভিলেইন হ’ব৷ যদি ৰাইজে ধ্বংস কৰাৰ পৰিৱৰ্তে আজমলে পূৰ্বেই দলটো ভাঙি দিয়ে তেন্তে আজমল হি’ৰ হ’ব পাৰিব৷ সংখ্যালঘূৰ ভোট বিভাজন কৰিবলৈ কংগ্ৰেছ আৰু ইউডিএফৰ দখলত থকা সংখ্যালঘূ ভোটাৰে নিৰ্ণায়ক ভূমিকা গ্ৰহণ কৰা সমষ্টিত অখিল গগৈৰ তৎপৰ হোৱাত বিজেপিক সহায় কৰিব খোজা বুলি অভিযোগ উত্থাপন হৈ থকাৰ সময়তে আজি অখিল গগৈয়ে স্পষ্টিকৰণ দি কয় যে ২৬ অক্টোবৰলৈ আমাৰ কংগ্ৰেছৰ সৈতে ভাল সম্পৰ্ক আছিল৷ কিন্তু ২০২১ চনৰ বিধানসভাৰ নিৰ্বাচনৰ দৰেই উপ-নিৰ্বাচনত কংগ্ৰেছে আসন নিদিয়াত আমি প্ৰচাৰ কৰাৰ সিদ্ধান্ত লও৷ যোৱা দুটা বছৰে আমি কংগ্ৰেছৰ সৈতে থকাত কংগ্ৰেছৰ দখলত থকা সমষ্টিত প্ৰচাৰ কৰা নাছিলো৷ এতিয়া সম্পৰ্ক নাই বাবে আমি সকলো ঠাইত প্ৰচাৰ আৰম্ভ কৰিছো৷