Brahmaputra Times
আজি হিমন্ত বিশ্ব শৰ্মা নেতৃত্বাধীন কেবিনেটেৰ বৈঠক অনুষ্ঠিত হয়৷ এই বৈঠকত কেইবাটাও গুৰুত্ব পূৰ্ণ সিদ্ধান্ত গ্ৰহণ কৰে কেবিনেটে৷ আগন্তুক ২০২৬ চনৰ নিৰ্বাচনৰ প্ৰতি লক্ষ্য ৰাখি হিমন্ত বিশ্ব শৰ্মাৰ কেবিনেটে কেবাটাও সিদ্ধান্ত গ্ৰহণ কৰে৷ কেবিনেট সমাপ্তিৰ পাছতে মন্ত্ৰী জয়ন্তমল্ল বৰুৱাই সংবাদ মাধ্যমক সম্বোধন কৰি কেইবাটাও সিদ্ধান্তৰ কথা ৰাজহুৱা কৰে৷ ৰাজ্য চৰকাৰে ৩ লাখ ৩২ হাজাৰ ৬৪০ গৰাকী ছাত্ৰী-ছাত্ৰীক বিনামূলীয়া চাইকেল প্ৰদান কৰাৰ সিদ্ধান্ত লয় কেবিনেটে। বিনামূলীয়া চাইকেল প্ৰদানৰ বাবে কেবিনেটত ১৪৮.৫৫ কোটি টকা অনুমোদন দিয়ে। মন্ত্ৰী জয়ন্ত মল্লবৰুৱাই কয় যে ৰাজ্যখনৰ নৱম শ্ৰেণীৰ ছাত্ৰ-ছাত্ৰীয়ে বিনামূলীয়া চাইকেল লাভ কৰিব। ৰাজ্যৰ ৩ খনকৈ পলিটেকনিকৰ বাবে ১০০ কোটি টকাৰ অনুমোদন দিছে কেবিনেটে। হাজো, মাজুলী, টিংখঙত নিৰ্মাণ হৈ আছে পলিটেকনিক কেইখন৷
