ৰাজ্যৰ বিভিন্ন জাতীয় দল-সংগঠনৰ লগতে প্ৰয়াত গণশিল্পী ৰাজীৱ শদিয়াৰ পৰিয়ালক ৫ লাখ টকাৰ আৰ্থিক সাহায্য প্ৰদান কৰিছে ৰাজ্য চৰকাৰে৷ বিভিন্ন দল-সংগঠনে ৰাজীৱ শদিয়াৰ পত্নীক চাকৰি প্ৰদানৰ দাবী উত্থাপন কৰি আহিছে যদিও ৰাজীৱ শদিয়াক আৰ্থিক সাহায্য প্ৰদানৰ সিদ্ধান্ত লয় ৰাজ্য চৰকাৰে। মুখ্যমন্ত্ৰী ড০ হিমন্ত বিশ্ব শৰ্মাই ৰাজীৱ শদিয়াৰ পৰিয়ালক ৫ লাখ টকাৰ আৰ্থিক অনুদানৰ ঘোষণা কৰে। ডিব্ৰুগড়ত গণৰাজ্য দিৱসৰ কাৰ্যসূচীত অংশ লোৱাৰ মাজতে শিল্পীগৰাকীৰ মৃত্যুত দুখ প্ৰকাশ কৰি ভৱিষ্যতে যাতে কোনো শিল্পীৰ পৰিয়াল বিপদত পৰিব নালাগে, তাৰ ব্যৱস্থাৰ গ্ৰহণ কৰা হ’ব বুলি কয়৷ সংস্থাপনৰ ক্ষেত্ৰত মুখ্যমন্ত্ৰীয়ে কয় যে কোনো শিল্পীৰ মৃত্যু হ’লে পৰিয়ালক কেনেকৈ সংস্থাপন দিব তাক লৈ আজিলৈ চৰকাৰে নীতি গ্ৰহণ কৰা নাই৷ ৰাজীৱ শদিয়াৰ দৰে দুৰ্ভাগ্যজনক ঘটনা আগতেও কিছু শিল্পীৰ হৈছে৷ ৰাজীৱ শদিয়াৰ দৰে আন কাৰোবাৰো হ’ব পাৰে৷ সময়ত সকলোৰে লগতে থকা পাতি এই সম্পৰ্কত সিদ্ধান্ত লোৱা হ’ব৷ বিজেপি বিধায়ক বিনোদ হাজৰিকাই সংবাদমাধ্যমক কয় যে ৰাজীৱ শদিয়াৰ মৃত্যুৰ সময়ত মুখ্যমন্ত্ৰীগৰাকী বিদেশত আছিল৷ গতিকে ডিব্ৰুগড়ত গণৰাজ্য দিৱসৰ কাৰ্যসূচীত অংশগ্ৰহণ কৰাৰ সময়ত শদিয়াৰ বিধায়ক বলীন চেতিয়াই মুখ্যমন্ত্ৰীক বিষয়টো অৱগত কৰিছিল। মুখ্যমন্ত্ৰীগৰাকীয়ে ৰাজীৱ শদিয়াৰ পৰিয়ালক ৫ লাখ টকাৰ আৰ্থিক সাহায্য দিয়াৰ ঘোষণা কৰিছে৷