বিশিষ্ট চিত্রশিল্পী দিলীপ তামুলীক সুদীৰ্ঘ জোৰা সাধনাক স্বীকৃতি দি ২০২৪ বৰ্ষৰ ‘প্ৰণৱ বৰুৱা শিল্পী বঁটা’ প্ৰদানৰ ঘোষণা কৰা হৈছে। চিত্রকলাক জনপ্ৰিয় কৰিবলৈ ওৰে জীৱন আহোপুৰুষাৰ্থ কৰা চিত্রশিল্পী দিলীপ তামুলীৰ কামক স্বীকৃতি প্ৰদান কৰা হৈছে৷ ১৯৫৮ চনত নদীদ্বীপ তথা শংকৰী সংস্কৃতিৰ পীঠস্থান মাজুলীত জন্মগ্ৰহণ কৰা দিলীপ তামুলীয়ে মাজুলীতে শৈশৱ অতিবাহিত কৰিছিল৷ শান্তি নিকেতনৰ বিশ্বভাৰতী বিশ্ববিদ্যালয়ৰ পৰা (কলা ভৱন) গ্ৰাফিক্স কলাৰ স্নাতকোত্তৰ ডিপ্লমাধাৰী দিলীপ তামুলীয়ে৷ ললিত কলা গৱেষণা বৃত্তি লাভ কৰি নতুন দিল্লীত অধ্যয়ন কৰাৰ লগতে ৰয়েল ডেনিছ সাংস্কৃতিক বৃত্তি লাভ কৰি কপেনহেগেনৰ ৰয়েল ডেনিছ একাডেমি অৱ আৰ্টত দুবছৰীয়া স্নাতকোত্তৰ প্ৰশিক্ষণ গ্ৰহণ কৰিছিল৷ গুৱাহাটীৰ চৰকাৰী চাৰু কাৰু কলা মহাবিদ্যালয়ৰ অধ্যাপক হিচাপে অৱসৰ গ্ৰহণ কৰা তামুলীয়ে চিত্ৰকলাৰ ক্ষেত্ৰখন সমৃদ্ধ কৰিছে৷ অসম ফাইন আৰ্টছ এণ্ড ক্রাফট ছোচাইটিৰ কাৰ্যকৰী সভাপতি হিচাপে কার্যনিবাহ কৰা তামুলীয়ে সুকুমাৰ কলাৰ হকে আজীৱন কাম কৰিছে। তামুলীৰ চিত্র বহু ঠাইত প্রদর্শন হৈছে৷ অসম সন্তান তামুলীয়ে দেশ-বিদেশত সন্মানলাভ কৰি অসমলৈ গৌৰৱ কঢ়িয়াই আনিছে৷ এইগৰাকী বিশিষ্ট অসমীয়াক এইবেলি প্রয়াত চিত্রশিল্পী প্ৰণৱ বৰুৱাৰ স্মৃতিত প্ৰদান কৰি অহা ‘প্ৰণৱ বৰুৱা শিল্পী বঁটা’ প্ৰদান কৰা হ’ব৷ চিত্ৰকলা আৰু ভাস্কৰ্যৰ ক্ষেত্ৰত জীৱনজোৰা সাধনাৰ কৰা উত্তৰ-পূৰ্বাঞ্চলৰ একোজন শিল্পীক এই বঁটা প্ৰদান কৰা হয়৷ ২