ৰাভা হাছং স্বায়ত্ব শাসিত পৰিষদৰ ৩৬টা সমষ্টিৰ ৩৩টাৰ ভোটগ্ৰহণ কাইলৈ পুৱা ৭ বজাত আৰম্ভ হ’ব। আইন-শৃংখলা দিশৰ লক্ষ্য কৰি ভোটকেন্দ্ৰসমূহত পৰ্যাপ্ত আৰক্ষী মোতায়েন কৰা হৈছে৷ আজি বেলট বাকচ আৰু কাগজ-পত্ৰ লৈ ভোটগ্ৰহণ কেন্দ্ৰলৈ প্ৰিজাইডিং-পোলিং বিষয়াসকল ৰাওনা হৈছে। ৰাজ্যিক নিৰ্বাচন আয়োগৰ তথ্য অনুসৰি দুয়োখন জিলাতে মুঠ ভোটাৰৰ সংখ্যা হৈছে ৪,৪৫,৫৮৬ জন৷ ২,১৬,১৮১ জন পুৰুষ ভোটাৰ আৰু ২,২৯,৩৯৪ গৰাকী মহিলা ভোটাৰ। ১১ জন ভোটাৰক ‘আন’ হিচাপে শ্ৰেণীবদ্ধ কৰা হৈছে। কামৰূপ আৰু গোৱালপাৰা জিলাত ৬৩০টা ভোটকেন্দ্ৰ আছে। ৩৬টা সমষ্টিৰ ভিতৰত ২৫টা অনুসূচিত জনজাতিৰ বাবে সংৰক্ষিত, ৬টা মহিলাৰ বাবে সংৰক্ষিত আৰু ১১টা মুক্ত৷ কংগ্ৰেছ, অসম গণ পৰিষদ (অগপ), ভাৰতীয় জনতা পাৰ্টি (বিজেপি) আৰু ৰাভা হাছং যৌথ মঞ্চকে (আৰএইচজেএম) ধৰি ৰাজনৈতিক দলসমূহে প্ৰাৰ্থী থিয় কৰাইছে। ভোট গণনা ৪ এপ্ৰিলত অনুষ্ঠিত হ’ব৷