গণ অভ্যুত্থানৰ পাছৰে পৰা বাংলাদেশী নাগৰিকে ভাৰতত প্ৰৱেশ কৰি থিতাপি ল’ব খোজাৰ ঘটনা প্ৰায়ে বৃদ্ধি পাব ধৰিছে৷ ভাৰতত তথ বিশেষকৈ অসমত প্ৰৱেশ কৰা বহু বাংলাদেশী নাগৰিকক ধৰিবলৈ সক্ষম হৈছে নিৰাপত্তাৰক্ষী৷ তেনে সময়তে পুনৰ এজন বাংলাদেশী নাগৰিকক ধৰিবলৈ সক্ষম হৈছে নিৰাপত্তাৰক্ষী৷ কালি অভিযান চলাই পুনৰ আন এজন বাংলাদেশী নাগৰিকক আটক কৰিবলৈ সক্ষম হৈছে অসম আৰক্ষী৷ বৰাক উপত্যকাৰ কৰিমগঞ্জত ভাৰত-বাংলাদেশ সীমান্তত বাংলাদেশী নাগৰিক মজিবুৰ ৰহমানক আটক কৰে। আন্তৰ্জাতিক সীমাৰ ওচৰত অভিযান চলাই আটক কৰা মজিবুৰ ৰহমানক অসম আৰক্ষীয়ে বাংলাদেশলৈ ঘূৰাই পঠিয়াই। মজিবুৰ ৰহমানক আটক কৰি উভতাই পঠিয়াবলৈ সক্ষম হোৱাত মুখ্যমন্ত্ৰী হিমন্ত বিশ্ব শৰ্মাই প্ৰতিক্ৰিয়া ব্যক্ত কৰিছে৷ মুখ্যমন্ত্ৰীয়ে কয় যে ভাৰত-বাংলাদেশ সীমান্তত ধাৰাবাহিকভাৱে অব্যাহত আছে আমাৰ অনুপ্ৰৱেশ ৰোধৰ যুঁজ৷ অসম আৰক্ষীৰ দ্বাৰা কৰিমগঞ্জত মজিবুৰ ৰহমান নামৰ এজন বাংলাদেশী লোকক আটক কৰা হয়৷ পৰৱৰ্তী সময়ত অনুপ্ৰৱেশকাৰীজনক ওভতাই পঠোৱা হয়৷ ইপিনে ১ নৱেম্বৰ আৰু ২৫ অক্টোবৰত অসম আৰক্ষীয়ে কৰিমগঞ্জ জিলাৰ মাজেৰে অবৈধভাৱে ভাৰতত প্ৰৱেশ কৰিবলৈ চেষ্টা কৰা কেইবাজনো বাংলাদেশী নাগৰিকক বাধা দিছিল। বিএছএফে কৰিমগঞ্জত অভিযান চলাই কবিৰ শিখধৰ আৰু মহম্মদ চেলিম নামৰ বাংলাদেশীক গ্ৰেপ্তাৰ কৰিবলৈ সক্ষম হয়৷ জানিব পৰা মতে, শিখধৰ আৰু মহম্মদ চেলিমে সীমান্তৰ জনশূন্য এলেকাৰে দুই বাংলাদেশীয়ে গোপনে প্ৰৱেশ কৰি কৰিমগঞ্জত বাহৰ পাতি আছিল৷ প্ৰিয়ংকা গেইন আৰু শিউলি আখটাৰ নামৰ দুজন বাংলাদেশীক গ্ৰেপ্তাৰ কৰা হৈছিল৷ উল্লেখ্য যে, বাংলাদেশত গণ অভ্যুত্থানৰ পাছৰে পৰা বহু লোকে ভাৰতত প্ৰৱেশৰ চেষ্টা কৰি গৈছে৷ ইতিমধ্যে কেইবাজনো লোকক ভাৰতৰ সীমান্তৰক্ষীয়ে গ্ৰেপ্তাৰ কৰিছে৷ বহু লোকক সীমান্তৰ পৰা উভতাই পঠিয়াবলৈ সক্ষম হৈছে৷ ছাত্ৰ আন্দোলনত জৰ্জৰিত চুবুৰীয়া দেশখনত বহু লোকে সংস্থাপন হেৰুওৱাৰ লগতে তদানীন্তন শাসকীয় দল আৱামী লিগৰ একাংশ নেতাই প্ৰাণৰ সংশয়ত৷