আজি ছত্তীশগড়ৰ বিজাপুৰত নক্সালবাদীয়ে আইইডি বিস্ফোৰণ ঘটাই এখন নিৰাপত্তাৰক্ষীৰ বাহন উৰুৱাই দিয়াত এতিয়ালৈকে ৯ জন জোৱান শ্বহীদ হোৱা বুলি জানিব পৰা গৈছে৷ জিলা ৰিজাৰ্ভ গাৰ্ডৰ (ডিআৰজি) জোৱান আৰু এজন চালকে প্ৰাণ হেৰুৱায়। খবৰ অনুসৰি বিজাপুৰ জিলাৰ বেদ্ৰে-কুত্ৰু ৰোডত এই বিস্ফোৰণ সংঘটিত হয়। ডিআৰজি দান্তেৱাড়াৰ জোৱানসকলে এক যুটীয়া অভিযানৰ পিছতে উভতি আহি আছিল৷ যুটীয়া অভিযানটো দান্তেৱাড়া, নাৰায়ণপুৰ আৰু বিজাপুৰ চলিছিল৷ ছত্তীশগড়ৰ উপ-মুখ্যমন্ত্ৰী অৰুণ চাওৱে এই আক্ৰমণক কাপুৰুষ বুলি অভিহিত কৰি কয় যে সৈনিকসকলৰ বলিদান অথলে নাযায়৷ ২০২৬ চনৰ মাৰ্চৰ ভিতৰত বস্তাৰক নক্সালবাদৰ পৰা মুক্ত কৰাৰ প্ৰতিশ্ৰুতি পূৰণ কৰিম৷ এই মাওবাদীৰ আক্ৰমণ যোৱা দুটা বছৰৰ ভিতৰত হোৱা আটাইতকৈ ডাঙৰ আক্ৰমণ। ২০২৩ চনৰ ২৬ এপ্ৰিলত নক্সালবাদীসকলে নিৰাপত্তাৰক্ষী বাহন উৰুৱাই দিয়াৰ ফলত দহ আৰক্ষী কৰ্মী আৰু এজন অসামৰিক চালক নিহত হৈছিল৷ দান্তেৱাড়া জিলাৰ নিৰাপত্তাকৰ্মী কঢ়িয়াই নিয়া কনভয়ৰ গাড়ী আছিল।