মুখ্যমন্ত্ৰী ড০ হিমন্ত বিশ্ব শৰ্মাৰ অধ্যক্ষতাত জনতা ভৱনত অনুষ্ঠিত হয় কেবিনেট বৈঠক। কেবিনেট বৈঠকৰ অন্তত মুখ্যমন্ত্ৰীয়ে সংবাদমেল সম্বোধন কৰি কেইবাটাও গুৰুত্বপূৰ্ণ সিদ্ধান্ত গ্ৰহণৰ কথা উল্লেখ কৰে৷ কেবিনেটে চৰকাৰী কৰ্মচাৰীৰ বাবে এক বিশেষ সিদ্ধান্ত গ্ৰহণ কৰিছে৷ ৰাজ্য চৰকাৰৰ কৰ্মচাৰীয়ে আপোন ঘৰ আঁচনিৰ জৰিয়তে ৩০ লাখ টকালৈ ঋণ ল’ব পাৰিব। ৩৭,২২৭ গৰাকী কৰ্মচাৰীয়ে ১৫ লাখৰ পৰা ৩০ লাখ টকাৰ ঋণ ল’ব পাৰিব। মুখ্যমন্ত্ৰী মহিলা উদ্যমিতা অভিযান নগৰীয়া আঁচনিৰ অনুমোদন জনাইছে। আঁচনিৰ অধীনত নগৰ অঞ্চলৰ ২ লাখ মহিলাই ১০ হাজাৰ টকাকৈ চিট মানি আৰু ভৱিষ্যতে বেংকৰ ঋণ পাব৷ পূৰ্বে গাঁৱৰ মহিলাসকলক ১০ হাজাৰকৈ টকাকৈ দিয়াৰ মুখ্যমন্ত্ৰী মহিলা উদ্যমিতা অভিযান গ্ৰাম্যক প্ৰদানৰ সিদ্ধান্ত লৈছে৷ লগতে আন গুৰুত্ব সিদ্ধান্ত গ্ৰণ কৰে ড০ শৰ্মা কেবিনেটে৷ মিছন বসুন্ধৰা পৰ্টেলত আবেদনৰ সময়সীমা ১৫ ফেব্ৰুৱাৰীলৈ বৃদ্ধি কৰাৰ সিদ্ধান্ত লয়৷ মিছন বসুন্ধৰাত আবেদন কৰিবলৈ অনুসূচিত জনজাতি-জাতি, চাহ জনগোষ্ঠী আৰু গোৰ্খাসকলে তিনিটা প্ৰজন্মৰ প্ৰমাণ দিব নালাগে। কোঁচ-ৰাজবংশী, মৰাণ, মটক, চুতীয়া আৰু আহোম সম্প্ৰদায়ৰ লোকসকলেও এই সুবিধা লাভ কৰিব৷