গুৱাহাটীৰ এটা প্ৰতিষ্ঠিত সংবাদ প্ৰতিষ্ঠানত কৰ্মৰত জ্যেষ্ঠ সাংবাদিক দিলোৱাৰ হুছেইন মজুমদাৰক গ্ৰেপ্তাৰক কঠোৰ ভাষাৰে গৰিহণা দিছে প্ৰেছ ক্লাৱ অৱ ইণ্ডিয়া চমুকৈ পিচিআই৷ পিচিআইৰ সভাপতি গৌতম লাহিড়ী আৰু মহাসচিব নীৰজ ঠাকুৰে পৰিয়ালক অৱগত নকৰাকৈ আৰু কোনো লোকক সাক্ষাৎ কৰিব নিদি সংবাদিক দিলোৱাৰ হুছেইন মজুমদাৰক কেইবা ঘণ্টা ধৰি থানাত বহুৱাই ৰাখি পিছত গ্ৰেপ্তাৰ কৰা কাৰ্যক কঠোৰ ভাষাৰে নিন্দা কৰিছে৷ এক বিবৃতিত কয় পিচিআই কয় যে এই বিষয়ত অসম আৰক্ষীৰ উচ্ছৃংখলতাক গৰিহণা দিছো৷ পৰিয়াল আৰু সহকৰ্মীসকলক প্ৰথমতে কি কাৰণত আটক কৰা হৈছিল সেই বিষয়ে অৱগত কৰিবলৈ অস্বীকাৰ কৰিছে আৰক্ষীয়ে। এজন সাংবাদিকক তেওঁৰ কৰ্তব্য পালন কৰাত বাধা দিয়াটো সংবাদ মাধ্যমৰ স্বাধীনতাৰ এক গুৰুতৰ উলংঘন৷ সংবিধানৰ অনুচ্ছেদ ১৯ (১) (এ)ৰ অধীনত অধিকাৰ নিশ্চিত কৰা হৈছে। পিচিআইয়ে অসম চৰকাৰ আৰু মুখ্যমন্ত্ৰী হিমন্ত বিশ্ব শৰ্মাক বিষয়টোত হস্তক্ষেপ কৰি সম্পূৰ্ণ আন্তৰিকতাৰে চাবলৈ আৰু আৰক্ষীয়ে আইনৰ প্ৰকৃত আত্মাক সন্মান কৰাটো নিশ্চিত কৰিবলৈ আহ্বান জনায়। মজুমদাৰৰ বিৰুদ্ধে কোনো মিছা অভিযোগ থাকিব নালাগে, এক পিছপৰা সংখ্যালঘু সম্প্ৰদায়ৰ লোক৷ মিছাকৈ অভিযুক্ত কৰাৰ বাবে অনুসূচীত জাতি/জনজাতি আইন অপব্যৱহাৰ নকৰিবলৈ নিশ্চিত কৰিবলৈ আহ্বান জনায়। তেওঁৰ নিয়মীয়া নিজৰ কৰ্তব্য পালন কৰি দুৰ্নীতি সম্পৰ্কীয় এক সংবেদনশীল প্ৰতিবাদৰহে কভাৰ কৰি আছিল বুলি উল্লেখ কৰে পিচিআইয়ে৷ আনহাতে প্ৰেছ ক্লাৱ অৱ ইণ্ডিয়াই সকলো সাংবাদিকে দিলোৱাৰ হুছেইন মজুমদাৰৰ সপক্ষে দিয়াৰ কথা ব্যক্ত কৰি কয় যে ২৬ মাৰ্চৰ মাজনিশা অসম আৰক্ষীয়ে জ্যেষ্ঠ ডিজিটেল মিডিয়াৰ সাংবাদিক দিলোৱাৰ হুছেইন মজুমদাৰক গ্ৰেপ্তাৰ কৰাৰ বিৰুদ্ধে আজি গুৱাহাটী প্ৰেছ ক্লাবৰ কৰা প্ৰতিবাদক সমৰ্থন জনাইছে প্ৰেছ ক্লাব অৱ ইণ্ডিয়াই৷