ডিজিটেল ডেস্কঃ মুষলধাৰ বৰষুণৰ পিছতে হিমাচল প্ৰদেশত পুনৰ সংঘটিত হৈছে ভূমিস্খলনৰ ঘটনা। শুকুৰবাৰে নিশা ৰাজ্যখনৰ কেইবাখনো জিলাত সংঘটিত ভূমিস্খলনৰ ঘটনাত ১২৮টা পথ হৈ পৰা বুলি চৰকাৰী সূত্ৰই প্ৰকাশ কৰিছে। ইয়াৰ পিছতে ৬ খন জিলাত সতৰ্কবাণী জাৰি কৰা হৈছে।

ভূমিস্খলন আৰু প্ৰচণ্ড বৰষুণৰ ফলত মাণ্ডিত ৬০টা, কুল্লুৰত ৩৭টা, চিমলাত ২১টা, সমীৰপুৰত এটা পথত যাতায়াত ব্যাহত হৈছে। বিচ্ছিন্ন হৈ পৰিছে যোগাযোগ ব্যৱস্থা ব্যৱস্থা। যাৰ ফলত কেইবাখনো জিলাৰ স্থানীয় লোকসকল তীব্ৰ অসুবিধাৰ সন্মুখীন হ’বলগীয়া হৈছে।

প্রচণ্ড ধুমুহাৰ বাবে হিমাচলত অৰেঞ্জ এলাৰ্ট জাৰি কৰিছে বতৰ বিজ্ঞান কেন্দ্ৰই। ৰাজ্যখনত ১৫আগষ্টলৈকে ধাৰাসাৰ বৰষুণ হোৱাৰ সম্ভাৱনা ব্যক্ত কৰিছে বতৰ বিজ্ঞান কেন্দ্রই।