গুৱাহাটীঃ গোসাঁইগাঁৱৰ কচুগাঁৱৰ মহামায়া মন্দিৰৰ সমীপৰ ২৭ নং ৰাষ্ট্ৰীয় ঘাইপথত সংঘটিত এক ভয়াৱহ পথ দুৰ্ঘটনাত ৫জন ব্যক্তিৰ প্ৰাণ কাঢ়ি নিয়াৰ লগতে আন এজন গুৰুতৰভাৱে আহত হয়। মন্দিৰ পাৰ হোৱাৰ পিছত এখন ট্ৰাকে নিয়ন্ত্ৰণ হেৰুৱাই খুন্দা মৰাৰ ফলত সংঘটিত হয় এই ভয়াবহ দুৰ্ঘটনাটো।

ঘটনাস্থলীত গোসাঁইগাঁও মহকুমা আৰক্ষী বিষয়া হীৰেন কুমাৰ ডেকা আৰু স্থানীয় কচুগাঁও আৰক্ষী উপস্থিত হৈ দুৰ্ঘটনাৰ বুজ লয়। প্ৰাথমিক খবৰ অনুসৰি কোকৰাঝাৰৰ বিষমুৰীত একেখন ট্ৰাকেই দ্বিতীয়টো মাৰাত্মক সংঘৰ্ষত জড়িত হৈ এখন গাড়ীত খুন্দা মৰাৰ ফলত আৰু দুজন ব্যক্তিৰ মৃত্যু হয়।

দুৰ্ঘটনাত নিহতসকলক সুক্ৰন ৰয় (২০), জয় ৰয়, (১১), বাপ্পী ঘোষ (২১), বাসুদেৱ ৰয় (২২) আৰু নৱ ঘোষ (২৬) বুলি চিনাক্ত কৰা হৈছে। আটাইকেইজনেই গোসাঁইগাঁৱৰ ১নং হাতীগড় গাঁৱৰ বাসিন্দা আছিল। ইফালে আহত ২২ বছৰীয়া বিনন ৰায়ক জৰুৰী চিকিৎসাৰ বাবে কচুগাঁও প্ৰাথমিক চিকিৎসালয়লৈ প্ৰেৰণ কৰা হয়।